Jan Roar Leikvoll

Jan Roar Leikvoll (7. juni 1974–1. august 2014) ^[1][2] var ein norsk skjønnlitterær forfattar frå Frekhaug i Nordhordland.^[3]

Jan Roar Leikvoll
Nasjonalitet	Norsk
Statsborgarskap	Noreg
Fødd	7. juni 1974 Bergen
Død	1. august 2014 (40 år)
Yrke	Forfattar
Periode	2008-
Debut	Eit vintereventyr
Nettstad	janroarleikvoll.com

Jan Roar Leikvoll (til høgre) i samtale med Endre Ruset.

Leikvoll gjekk i 2002/2003 årskurset ved Skrivekunstakademiet i Hordaland.^[4] Han skreiv på nynorsk og debuterte på Det Norske Samlaget i 2008 med romanen Eit vintereventyr.^[5] Før det hadde han i 2000 gitt ut diktsamlinga Balanse på eige forlag.^[6][7] For andreromanen Fiolinane fekk Leikvoll Nynorsk litteraturpris i 2010.^[8] Han har også motteke Sigmund Skard-stipendet^[9], Bjørnsonstipendet^[10] og Stig Sæterbakkens minnepris^[11][12].

Jan Roar Leikvoll etterlét seg fleire ufullenda tekstar. Ein av desse tekstane vart redigert av David Aasen i forlaget Det Norske Samlaget på grunnlag av mellom anna samtalar han hadde hatt med forfattaren, og utgjeven i 2015 som boka Forkynnaren^[13].

Bøker

Alle bøkene er utgjevne på Det Norske Samlaget i Oslo:

• 2000 – Balanse – Diktsamling. ISBN 82-92173-29-3
• 2008 – Eit vintereventyr – Roman. ISBN 9788252172430
• 2010 – Fiolinane – Roman. ISBN 9788252175493
• 2012 – Bovara – Roman. ISBN 9788252178616
• 2013 – Songfuglen – Roman. ISBN 978-82-521-8272-9 - ISBN 978-82-521-8530-0
• 2015 – Forkynnaren – Roman redigert av David Aasen på grunnlag av forfattarens uferdige utkast. ISBN 978-82-521-8899-8
• 2019 – Heimatt – Roman redigert av David Aasen og Christine Leikvoll på grunnlag av forfattarens uferdige utkast. ISBN 978-82-521-9858-4

Prisar og utmerkingar

• 2011 – Bjørnsonstipendet^[10]
• 2010 – Sigmund Skard-stipendet^[9]
• 2010 – Nynorsk litteraturpris^[8]
• 2013 – Stig Sæterbakkens minnepris^[11][12]
• 2014 – Samlagsprisen ^[14]

Referansar

1. Forfattar Jan Roar Leikvoll er død
2. ««Jan Roar Leikvoll»». forfatterkatalogen.no. Henta 16. februar 2012.
3. «Fiolinane». Årets bøker 2010. Oslo: Det Norske Samlaget. 2010. s. 37.
4. ««Tidlegare studentar»». Nettstaden til Skrivekunstakademiet i Hordaland. Henta 16. februar 2012.
5. ««Jan Roar Leikvoll»». Nettstaden til Det Norske Samlaget. Henta 16. februar 2012.
6. ««Jan Roar Leikvoll: BALANSE. Dikt»». egenbokforlaget.no. Henta 16. februar 2012.
7. ««SAMBOK: 1677775744»». SAMBOK, Nasjonalbiblioteket. Henta 16. februar 2012.
8. ««Nynorsk litteraturpris til Jan Roar Leikvoll»». Nettstaden til Det Norske Samlaget. Henta 16. februar 2012.
9. ««Skard-stipend til Leikvoll»» (PDF). Norsk Tidend nr. 4 2010, s.3. Henta 16. februar 2012.
10. ««Bjørnsonstipendet 2011 til Jan Roar Leikvoll»». Nettstaden til Bjørnsonfestivalen. 31. august 2011. Henta 16. februar 2012.
11. Morten Sæle (4. september 2013). «Leikvoll fekk Stig Sæterbakkens minnepris». Nettstaden til avisa Nordhordland. Henta 4. september 2013.
12. Ane Linn Ringstad (4. september). ««Stig Sæterbakkens minnepris 2013 tildelt Jan Roar Leikvoll»». forlagsliv.no. Henta 5. september 2013.
13. Sjå føreordet i Forkynnaren
14. «Samlagsprisen til Leikvoll», Artikel Bok365 14. august 2014

Bakgrunnsstoff

• Presentasjon av Leikvoll på nettstaden til Det Norske Samlaget
• Digitaliserte bøker av Jan Roar Leikvoll hjå Nasjonalbiblioteket