Jack Sonni

Jack Sonni (9. desember 1954–30. august 2023)^[1] var ein forfattar, musikar og tidlegare salssjef som er mest kjend som «den andre gitaristen» i Dire Straits i Brothers in Arms-tida til bandet.

Jack Sonni
I lag med Dire Straits i Noreg i 1985. Foto: Zoran Veselinovic
Fødd	9. desember 1954
Fødestad	Indiana
Død	30. august 2023 (68 år)
Fødenamn	John Thomas Sonni
Alias	Jack
Opphav	USA
Sjanger	rock
Instrument	gitar
Tilknytte artistar	Dire Straits
Verka som	gitarist

Karriere

Sonni møtte studiogitaristen Elliott Randall i New York som overtydde han til å flytte til byen og starte karrieren sin der. Sonni budde i New York frå 1976 til 1985 og starta sitt eige band. Seint i 1970-åra spelte bandet til Sonni, The Leisure Class^[2] fast kvar måndag kveld på Kenny's Castaways på Bleecker Street i Greenwich Village, ein stad for lovande, unge artistar. I 1978 byrja han å arbeide ved den nyopna Rudy's Music Stop, eigd av Rudy Pensa, der han møtte medlemmar i Dire Straits, først David og så Mark Knopfler.

Han vitja Knopfler-brørne i London, og etter David (og sidan Hal Lindes) slutta i bandet, vart Sonni spurt om han ønskte å bli med i bandet i 1984 for innspelinga av Brothers in Arms og den påfølgjande turneen.^[3] Sonni spelte gitar og synthesizer på «The Man's Too Strong».

Sonni samarbeidde med andre musikarar etter Dire Straits, men enda musikkarrieren sin då tvillingdøtrene Caitlin & Nadine vart fødde i 1988. Han starta då som marknadssjef for produsentar av digital teknologi for musikk.^[4]

Diskografi

• Brothers in Arms (1985)
• Money for Nothing (samleplate) (1988)
• Sultans of Swing: The Very Best of Dire Straits (samleplate) (1998)
• The Best of Dire Straits & Mark Knopfler: Private Investigations (samleplate) (2005)

Kjelder

• Denne artikkelen bygger på «Jack Sonni» frå Wikipedia på engelsk, den 4. januar 2015.
  • Wikipedia på engelsk oppgav desse kjeldene:

1. Jack Hobbs. «Jack Sonni, Dire Straits’ ‘other’ guitarist, dies at 68» (på engelsk). New York Post. Henta 31. august 2023.
2. Tony Sarno History, arkivert frå originalen 11. november 2007, henta 4. januar 2015
3. Flanagan, Bill (1985) Musikar. Available from: Dire Straits' Mark Knopfler, an inside look at the outside man Arkivert 2008-05-27 ved Wayback Machine.
4. gitar Center Appoints J. Sonni Vice President of Marketing Communications, arkivert frå originalen 15. april 2008, henta 4. januar 2015

Bakgrunnsstoff

Commons har multimedium som gjeld: Jack Sonni

• Jack Sonni ved The Internet Movie Database (IMDb)