Internasjonal meister (IM) i sjakk er ein sjakktittel som Verdssjakkforbundet (FIDE) deler ut til svært sterke sjakkspelarar. Tittelen er livsvarig. Internasjonal meister rangerer lågare enn tittelen sjakkstormeister.
For å få tittelen krevst det normalt sett at spelaren har oppnådd sterke resultat i 2 eller 3 internasjonale sjakkturneringar, med til saman minst 27 sjakkparti. Sjakkturneringane må vanlegvis vere på minst 9 rundar. For internasjonale meistrar krevst det ein ratingprestasjon i den enkelte turneringa på minst 2450. Dei må dessutan på eit eller anna tidspunkt ha hatt ein eigen FIDE-rating på minst 2400. (Elo-rating.)
Dei viktigaste andre krava, er at spelaren må ha spela mot minst 2 stormeistrar eller 3 internasjonale meistrar i turneringa, at minst halvparten av motstandarane må ha ein offisiell FIDE-tittel, og at minst ein tredjedel av spelarane må vere frå eit anna land.
Det var per 1. april 2021 3890 sjakkspelarar med IM-tittel.[1]
Internasjonale meistrar i Noreg
Dei 2 første frå Noreg som vart utnemnde til tittelen internasjonal meister var:
- Olaf Barda, tidlegare Olaf M. Olsen (1909-1971), utnemnd i 1952[2]
- Svein Johannessen (1937-2007), utnemnd i 1961[2]
- Den fjerde norske som fekk IM-tittelen var: *Arne Zwaig (1947-2022), utnemnd i 1975[2]
- Den sjette norske som fekk IM-tittelen var: *Knut Jøran Helmers (1957-2021), utnemnd i (1978)[2]
- Den sjuande norske som fekk IM-tittelen var: *Arne Vinje, (tidlegare Arne Vinje Gulbrandsen) (1943-2011), utnemnd i 1981[2]
Noreg hadde per 11. juli 2024 35 sjakkspelarar som har tittelen internasjonal meister.[3] Desse er, med året for tittelen i parantes:
- Terje Wibe (1977)[2]
- Bjørn Tiller (1982)[2]
- Petter Haugli (1988)[2]
- Ivar Bern (1992)
- Roy Fyllingen (1995)
- Erik Fossan (1997)
- Eirik Gullaksen (1998)
- Frode Elsness (2001)
- Helge Nordahl (2005)[4]
- Bjarte Leer-Helgesen (2006)[5]
- Øystein Hole (2007)[6]
- Magne Sagafos (2007)[7]
- Espen Lie (2007)
- Torstein Bae (2007)
- Atle Grønn (2008)
- Joachim Thomassen (2010)[8]
- Nicolai Getz (2011)[9]
- Geir Sune Tallaksen Østmoe (2011)[10]
- Andreas Moen (2012)
- Kjetil Stokke (2013)
- Kristian Stuvik Holm (2015)[11]
- Joachim Birger Nilsen (2017)[12]
- Lasse Østebø Løvik (2017)
- Tor Fredrik Kaasen (2018)
- Benjamin Haldorsen (2018)
- Erlend Mikalsen (2019)
- Johannes Haug (2019)
- Mads Vestby-Ellingsen (2020)
- Semen Mitusov (2022)
- Aksel Bu Kvaløy (2023)
- Jens E Ingebretsen (2023)
- Bjarke Sahl (tidlegare Bjarke Kristensen), frå Danmark, har budd mange år i Noreg. Han melde i 2007 overgang frå Danmark til Noreg, og vart dermed av verdssjakkforbundet pr 1. oktober 2007 registrert som Noreg sin 20. dåverande IM.[13]
- Maxim Barth Stanford (2008) melde overgang frå England til Noreg frå 7. juli 2012.[14]
- Vadims Daskevics Berg (2010) Melde overgang frå Latvia til Noreg med verknad frå 10. desember 2017.[15]
- John Paul Wallace (1996) melde overgang frå Australia til Noreg frå 25. april 2023.[16]
I tillegg har alle dei 18 norske spelarane med tittelen Stormeister i sjakk vore internasjonal meister i kortare eller lengre tid, før dei klarte å kvalifisere seg til den gjævare tittelen stormeister.
Kjelder
- Verdssjakkforbundet FIDE sine reglar for sjakktitlar i nærsjakk
- Øystein Brekke: Norges sjakkforbund 75 år 1914-1989, Norges Sjakkforbund 1989, ISBN 82-991916-0-2
- Norsk Sjakkblad
Fotnotar
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
