Ida Bull

Ida Bull (fødd 22. august 1948) er ein norsk historikar. Hovudfeltet hennar er lokalhistorie, men ho interesserer seg òg for kvinne- og kjønnshistorie.

Ida Bull
Fødd	22. august 1948
Nasjonalitet	Noreg
Yrke	historikar, professor
Institusjonar	Noregs teknisk-naturvitskaplege universitet
Ektefelle	Rune Skarstein
Medlem	Det Kongelige Norske Videnskabers Selskab

Bull vart cand.philol med hovudfag i historie i 1975. I 1998 vart ho dr. philos. på ei avhandling om handelshus i Trondheim på 1700-talet. Gjennom det meste av karrieren sin har Bull vore tilsett ved Statsarkivet i Trondheim. I perioden 1993–1996 var ho engasjert som førsteamanuensis ved Historisk institutt, Universitetet i Trondheim. Frå 1998 er Bull professor i historie ved Institutt for historie og klassiske fag, NTNU. Ida Bull var i perioden 2010-2014 redaktør for Historisk tidsskrift.

Ida Bull er dotter av Edvard Bull d.y. og barnebarn av Edvard Bull d.e. Ho er gift med Rune Skarstein.

Frå 1. januar 2017 er ho preses i Det Kongelege Norske Videnskabers Selskab (DKNVS).

Bibliografi

• Bull, Ida. Bakklandet lever!. Universitetsforlaget. ISBN 8200074889.
• Bull, Ida: Thomas Angell : kapitalisten som ble hjembyens velgjører, 1992. ISBN 82-7164-028-3
• Bull, Ida: De trondhjemske handelshusene på 1700-tallet : slekt, hushold og forretning, 1998. ISBN 82-7765-027-2 (Doktorgradavhandling)
• Bull, Ida (hovedred.): Trøndelags historie, 2005

Kjelder

• Denne artikkelen bygger på «Ida Bull» frå Wikipedia på bokmål, den 17. september 2019.

Bakgrunnsstoff

• Publikasjonar av Ida Bull i forskingsdokumentasjonssystemet Cristin

• Publikasjonar av Ida Bull i BIBSYS
• Ida Bull si profilside på NTNU.no