Ian Callaghan

Ian Robert Callaghan (fødd 10. april 1942) er ein engelsk tidlegare fotballspelar som frå 1960 til 1978 spelte for Liverpool FC. Han var med om å vinne fem ligameisterskap i tida 1964-77, FA-cupen 1965 og 1974, UEFA-cupen 1973 og 1976 og Europacupen 1977. Callaghan spelte 640 ligakampar for Liverpool, meir enn nokon annan. Han skåra 49 ligamål.

Ian Callaghan
Statsborgarskap	Storbritannia
Fødd	10. april 1942 (82 år) Toxteth
Idrett	fotball
Tok del i	VM i fotball 1966
Utmerkingar	medlem av Den britiske imperieordenen

Ian Callaghan i 2016

Karriere

Klubbspel

Callaghan var i mange sesongar vengspelar på Liverpool, siste åra spelte han i ei offensiv midtbanerolle. Han fekk sin debut vinteren 1960 då Liverpool tevla i andredivisjon. Våren 1964 vann Liverpool ligameisterskapen, i ein sesong der Callaghan spelte alle ligakampane. To år seinare gjentok Callaghan og Liverpool prestasjonane og sikra ein ny ligatriumf. I mellomtida sigra Liverpool med 2–1 over Leeds United i FA-cupfinalen 1. mai 1965. Frå 1972 hevda Liverpool seg heilt i toppen av engelsk og europeisk fotball. Callaghan var med då klubben i 1973 vann både ligameisterskapen og UEFA-cupen, FA-cupen 1974, i 1976 så vel ligameisterskapen som UEFA-cupen, samt våren 1977 då laget vann både ligaen og europacupfinalen, den siste etter siger 3–1 over Borussia Mönchengladbach på Stadio Olimpico i Roma.

Frå 1978 til -80 var Callaghan Swansea-spelar, var med å rykke opp frå tredjedivisjon i 1979.

Landslagsspel

Callaghan spelte 4 landskampar for England, 2 sommaren 1966 og 2 hausten 1977. Han var med i VM-troppa 1996 og spelte mot Frankrike i gruppespelet. Ingen landslagsmål.

Merittar

• Vinnar av europacupen: 1977 og 1978 med Liverpool FC
• Vinnar av UEFA-cupen: 1973 og 1976 med Liverpool FC
• Engelsk ligameister; 1964, 1966, 1973, 1976 og 1977 med Liverpool FC
• Vinnar av FA-cupen:1965 og 1974 med Liverpool FC
• Finalist i cupvinnarcupen: 1966 med Liverpool FC
• Finalist i FA-cupen: 1971 og 1977 med Liverpool FC
• Finalist i den engelske ligacupen: 1978 med Liverpool FC

Kjelder

• Denne artikkelen bygger på «Ian Callaghan» frå Wikipedia på engelsk, den 15. mai 2021.
• eu-football