Hugo Friderich Hiorthøy

Hugo Friderich Hiorthøy (9. mai 1741–29. august 1812) var ein norsk prest og forfattar.

Hugo Friderich Hiorthøy
Statsborgarskap	Noreg
Fødd	9. mai 1741
Død	29. august 1812 (71 år)
Yrke	prest, teolog
Religion	Den evangelisk-lutherske kyrkja
Hugo Friderich Hiorthøy på Commons

Minnesmerke over prost Hiorthøy utanfor Sødorp kapell på Vinstra

Hiorthøy var fødd på Klepp på Jæren. Han tok embetseksamen i København i 1764. Året etter var han huskapellan hjå presten i Flesberg. I 1769 blei han med på ein ekspedisjon til Algerie. Deretter blei han prest i Skien. I 1775 blei han prest i Fron, og året etter blei han prost i Gudbrandsdalen.

Medan han var i Fron skreiv Hiorthøy Physisk og Ekonomisk Beskrivelse over Gulbransdalen Provstie i Aggershuus Stift i Norge, eit av dei beste topografiske verka frå 1700-talet.^[1] Seinare blei han prest ved Nykirken i Bergen.

Kjelder

1. «Hugo Fredrik Hjorthøy». Norsk biografisk leksikon. Henta 20. januar 2016.

• Denne artikkelen bygger på «Hugo Friderich Hiorthøy» frå Wikipedia på bokmål, den 19. april 2021.
  • Wikipedia på bokmål oppgav desse kjeldene:  

• Ivar Kleiven Gamal Bondekultur i Gudbrandsdalen: Fronsbygdin, Oslo 1930

Verk

• H.F: Hiorthøy (1990). Physisk og Ekonomisk Beskrivelse over Gulbransdalen Provstie i Aggershuus Stift i Norge, med Kobbere. Lokalhistorisk forlag. [Opprinnelig utgitt i København i 1785]