Hildegun Riise (fødd 19. desember 1958) er ein norsk songar og skodespelar frå Strandebarm i Hardanger.
Kjappe fakta Fødd, Fødestad ...
Lukk
Riise utdanna seg ved Statens teaterhøgskule i åra 1983-86, og debuterte som skodespelar ved Det norske teatret same året som ho var ferdigutdanna. Ho har vore tilsett ved teateret sidan då, og har mellom anna utmerka seg i stykke av Jon Fosse.
Med filmen Landstrykere frå 1989, basert på boka av Knut Hamsun, fekk Riise den fyrste filmrolla si. På fjernsyn gjorde ho stor suksess i dramaserien Vestavind. Ho har også gjeve stemme til fleire teiknefilmseriar, m.a. Flukta frå Dyreskogen.
I 1993 gav ho ut cd-en Vår fattige Gud der ho syng tekstar av Edvard Hoem til melodiar av Henning Sommerro. Ho har også opptrått i ein litterær konsert som bestod av dikt av Olav H. Hauge.
Film og fjernsyn
- Landstrykere - (1990) Film. Jomfru Ellingsen
- Hvitsymre i utslåtten (1991) Kortfilm.
- For dagene er onde (1991) Film. Kjersti
- Flaggermusvinger (1992) Film. Gertrud
- Giftige løgner (1992) Film. Åsa
- Vestavind (1994) TV-serie. Agnes Nedrebø
- Søndagsengler (1996) Film. Fru Tunheim
- Detektor (2000) Film. Camilla
- Husa i ein by (2000) Kortfilm.
- Turbulent sone (2000) TV. Mor
- Det største i verden (2001) Film. Petras mor
- Himmelfall (2002) Film. Vigdis
- Mens du står utenfor (2002) Kortfilm.
- Suzannah (2003) TV. Suzannah, midt i livet
- Min misunnelige frisør (2004) Film. Susie
- Ekko av Ibsen - Kjøter (2006) Novellefilm.
- Krapp sving (2006) Kortfilm.
- Sejer - Svarte sekunder (2006) TV-serie. Ruth
- De gales hus (2008) Film. Engelen
Stemme i teiknefilmseriar
- Eventyrstund med Janosch (1986) Forteljar
- Flukta frå Dyreskogen (1993)
- Kisten (1997)
- Balanse (2001) (Ikkje teiknefilm) Forteljar.
- Katteprinsen (2002) Harus distre mamma
- I 2001 vann ho Amanda-prisen for beste kvinnelege skodespelar for rolla si som Camilla i filmen Detektor.
- I 2003 vann ho Aksel Waldemars minnepris under utdelinga av Heddaprisen.
- I 2007 vann ho Heddaprisen i klassen Beste kvinnelege birolle for rolla som Bestemor i Agato Kristofs Tvillingar.
- I 2015 vart ho tildelt "Aase Byes Legat"