From Wikipedia, the free encyclopedia
Heinz Wosipiwo (fødd 25. januar 1951) er ein tysk, tidlegare skihoppar frå Sohl i delstaten Sachsen og som representerte Aust-Tyskland. Han vann i 1972 sølvmedaljen i den fyrste verdsmeisterskapen i skiflyging, to år seinare fekk han også ein sølvmedalje i normalbakkerennet under verdsmeisterskapen på ski i Falun.
Heinz Wosipiwo | |
Statsborgarskap | Tyskland, Den tyske demokratiske republikken |
Fødd | 25. januar 1951 (73 år) Sohl |
Idrett | skihopping |
Tok del i | Vinter-OL 1972 |
Wosipiwo byrja som hoppar med Harry Glaß som trenar. Han oppnådde i 1972 sine fyrste internasjonale topplasseringar i den tysk-austerrikske hoppveka, då han vart nummer seks i Innsbruck og enda på fjerdeplassen i samanlagt i hoppveka.
Wosipiwo oppnådde ofte gode resultat i skiflyging. Under VM i skiflyging 1972 i Planica i mars månad tok han sølvmedaljen, gullmedaljen gjekk til Walter Steiner, medan Jiří Raška fekk bronse. 9. mars 1973 sette Wosipiwo ny verdsrekord i skiflyging med 169 meter i Heini-Klopfer-bakken i Oberstdorf. To år seinare, i 1975, vart han nummer seks i VM i skiflyging i Bad Mitterndorf.
Romjula 1973 vart Wosipiwo nummer to i opningsrennet i den tysk-austerrikske hoppveka, men var over tjue poeng bakom landsmannen Hans-Georg Aschenbach. Sju veker seinare fekk Wosipwo sølvmedaljen i normalbakkerennet under VM 1974 i Falun, landsmannen Hans-Georg Aschenbach var nok ein gong hans overmann.
Wosipiwo la bort hoppskia i 1975.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.