Harald Heide-Steen jr.

Harald Heide-Steen jr. (18. august 1939–3. juli 2008) var ein norsk skodespelar, komikar og songar som blant anna var kjent frå rolla som «Dynamitt-Harry» i Olsenbanden-filmane. Han var også kjent som improviserande komikar, gjerne i tospann med Rolv Wesenlund under namnet Wesensteen på slutten av sekstitalet. Heide-Steen jr. var erfaren innan revy- og teatermiljøet, og i tillegg har han hatt fleire soloopptredenar der han var kjent for sine mange figurer, bl.a. «Rikstyristsjef Ottmar Johansen», «Sylfest Strutle», «Russisk ubåtkaptein» og «Flykaptein» for flyselskapet Spantax. Heide-Steen var ein av dei mest populære og folkekjære skodespelarane og komikarane i Noreg.

Harald Heide-Steen jr.
Fødd	18. august 1939
Fødestad	Oslo
Død	3. juli 2008 (68 år)
Dødsstad	Oslo
Aktive år	1951–2008
Verka som	komikar, songar, filmskodespelar, stemmeskodespelar, TV-regissør
Far	Harald Heide Steen
Ektefelle	Ingrid Vindenes, Bente Larsen, Birgit Gran, Gullen Øyehaug
Born	Frikk Heide-Steen, Tiril Heide-Steen
Prisar	Kongens fortenestmedalje, Spellemannprisen for årets verbalplate, Leif Justers ærespris, Leonardstatuetten, Oslo bys kulturpris

Harald Heide Steen jr. var fast tilsett ved Det Norske Teatret frå 1992. Den siste rolla han hadde der, var som Dovregubben i Ibsens Peer Gynt.

Frå Lysthuset revyteater, 1965. Frå venstre: Rolv Wesenlund, Harald Heide-Steen jr., Trulte Heide Steen, Svein Byhring og Elsa Lystad. Bak: Bengt Calmeyer.

Foto: Arbeiderbevegelsens arkiv og bibliotek, AAB-102423

I 2008 gav han ut han jazzplata Musikalske minner på Big Box Records. I 1978 vann han også Spellemannprisen i verbal klasse for Harald Heide-Steen jr. Han fekk Kongens fortenestmedalje i gull i 2005.

Harald Heide-Steen jr. var son av Harald Heide Steen. Han var far til songaren Frikk Heide-Steen.

Filmografi

• 1951: Storfolk og småfolk, «Ola», sonen
• 1968: Mannen som ikke kunne le
• 1970 Olsenbanden og Dynamitt-Harry, «Dynamitt-Harry»
• 1970: Balladen om mestertyven Ole Høiland, «Jacob Tengsereid»
• 1971: Lucky Luke (stemme)
• 1972: Olsenbanden tar gull, «Lillegutt»
• 1973 Olsenbanden og Dynamitt-Harry går amok, «Harry»
• 1973: Fem døgn i august
• 1974 Knutsen & Ludvigsen, «Knutsen»
• 1974: Bør Børson jr., «fotografen»
• 1975 Tut og kjør, «politimesteren»
• 1975: Flåklypa Grand Prix (stemmen til Emanuel Desperados)
• 1976: Reisen til Julestjernen, «Narren»
• 1977: Olsenbanden & Dynamitt-Harry på sporet, «Dynamitt-Harry»
• 1978: Olsenbanden + Data Harry sprenger verdensbanken, «Data-Harry»
• 1979: Olsenbanden og Dynamitt-Harry mot nye høyder, «Dynamitt-Harry»
• 1982: Olsenbandens aller siste kupp, «Framandarbeidar som taxisjåfør»
• 1983: Kamera går - Norsk filmproduksjon gjennom 75 år
• 1984: Men Olsenbanden var ikke død!
• 1985: Deilig er fjorden
• 1989: Bryllupsfesten, «Sverre Pedersen»
• 1990 Til en ukjent, «Sjåføren»
• 1990: Herman, «Tjukken», frisøren
• 1992: Gulasj med Harald Heide-Steen jr.
• 1994 Svaneprinsessen (orig. The Swan Princess)
• 1994: Fredrikssons fabrikk - The Movie, «Olaf»
• 1995: Amalies jul Nissepappa
• 1997: Mot i brøstet, «Pierre/Ernst»(Bare krøll)
• 1997: Og takk for det - Wesensteen
• 1998]]-[[2001: Karl & Co, «Daniel Gasman Smestad»
• 1999: Olsenbandens siste stikk, «Dynamitt-Harry»
• 2000 Hundehotellet (orig. Hundhotellet)
• 2000: Dinosaur
• 2001 Propp & Berta (orig. Prop og Berta) (stemme)
• 2001: Atlantis - en forsvunnet verden (orig. Atlantis, the Lost Empire)
• 2003: Katteprinsen (orig. Neko no Ongaeshi / The Cat Returns)
• 2004: De utrolige (orig. The Incredibles)
• 2006: Wesensteen (Opptredener fra Wesensteen saman med Rolv Wesenlund)

Bakgrunnsstoff

• Nettstaden til Heide-Steen jr.
• Sylfest Strutle på Reisefot (Postens sommarkassett 1983)^{[daud lenkje]}