dansk-norsk arkitekt From Wikipedia, the free encyclopedia
Hans Ditlev Franciscus von Linstow (4. mai 1787–10. juni 1851)[1] var ein dansk-norsk arkitekt som særleg er kjent for sitt hovudverk i Noreg: Det kongelege slott.
| Hans Ditlev Franciscus von Linstow | |
 Linstow måla av Carl Peter Lehmann | |
| Statsborgarskap | Danmark, Noreg |
| Fødd | 4. mai 1787 Hørsholm |
| Død |
10. juni 1851 (64 år) |
| Yrke | arkitekt, advokat |
| Far | Christoph Hartwig von Linstow |
| Ektefelle | Ferdinanda Augusta Charisius |
| Hans Ditlev Franciscus von Linstow på Commons | |
Hans von Linstow studerte teikning og måling ved Kunstakademiet i København på same tid som han også studerte jus. Han avslutta studia i København i 1812 og drog til Kongsberg der han i åra 1812-1814 var elev ved Bergseminaret. Han avslutta ikkje ingeniøroffiserutdanninga, men studerte i staden arkitektur attåt. Han arbeidde frå 1814 ved hoffet hans Kristian Fredrik, og i tida 1815-1818 var han regimentskvartermeister og auditør ved det Akerhusiske ridende Jægerkors. I tida fram til 1820 var han brigadeauditør i kavaleriet og garnisonsauditør i Christiania.
Von Linstow gav undervisning, først i gipsklassen og i åra 1822-1840 i bygningslære ved Den kongelige tegneskole (Kunstakademiet) i Christiania. Han hadde vore ein av initiativtakarane til opprettinga av akademiet.[2]
I 1823 fekk von Linstow oppgåva med å teikne slottet i Oslo og var med på å forme ut Slottsparken, med vaktstua til Garden. Han hjelpte også venen Henrik Wergeland med bygginga av Grotten. I samtida vekte det undring då Linstow fekk oppgåva som arkitekt for slottet; han var ikkje utdanna arkitekt og hadde «ikke bygget så meget som et hundehus» i følgje J.C. Dahl.[2][1]
Slottet vart reist eit stykkje frå sjølve bybebyggelsen og von Linstow la i 1838 fram plan for å knyte dette nærare saman med sjølve byen, noko som resulterte i den seinare Karl Johans gate. Gata fekk først namnet Slottsveien og Linstow så for seg bebyggelse med offentlege bygg på begge sider av gata og at tyngdepunktet i byen skulle ligge i denne gata fram mot Egertorget .
Von Linstow arbeidde også ut mønsterteikningar for norske kyrkjer i åra 1828-1831, og rundt 80 kyrkjer blei reist med utgangspunkt i desse teikningane. Han arbeide også ut tilsvarande mønsterteikningar for prestegardar.
Hans von Linstow omkom i samband med ei vognulukke i 1851.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
