Godteri

Godteri, godter, godsaker, knask, snop, slikkeri eller søtsaker er små matbitar som er laga for å smaka godt. Dei innehald typisk mykje sukker.^[1] Andre vanlege ingrediensar i godteri er sjokolade, nøtter, lakris og gelatin. Godteri har gjerne søt smak, men nokre kan også vera svært sure, medan andre kan vera meir salte eller bitre.^[2]

Godterihaugar på ein marknad i Damaskus.

Fargerikt godteri med frukt- og salmiakksmakar.

Godteri toler typisk å oppbevarast over lang tid. Den viktigaste eigenskapen til matvarene er at dei smakar godt, ikkje at dei er sunne eller tilfører næring. Mange inneheld tilsetjingsstoff som tilfører smak, farge og/eller konsistens eller gjev betre haldbarheit.^[1]

I vidare tyding kan godteri-omgrepet også visa til tillaga nøtter, potetgull, popkorn, iskrem, kjeks og småkaker.^[1]

Historie

Små søtsaker av sukker byrja lagast og seljast i større mengder på 1800-talet, då råvara sukker blei billegare.^[2] Mange av dei kunne ha form som andre ting, som hestar, klede, dampmaskinar, piper og sigarar. Nokre hadde uvanlege eigenskapar når ein åt dei, som sterk syrlegheit, brusing i munnen, seigleik eller fargebytte.^[2]

Kjelder

1. Egeland, Einar Skarstad (2. oktober 2023). «godteri». Store norske leksikon (på norsk).
2. Mason, Laura (2006). «sweets» (på engelsk). Oxford University Press. ISBN 978-0-19-280681-9. doi:10.1093/acref/9780192806819.001.0001/acref-9780192806819-e-2409.

Bakgrunnsstoff

Commons har multimedium som gjeld: Godteri

• Artikler om godteri i Matportalen.no Arkivert 2007-09-27 ved Wayback Machine.
• Norske Sjokoladefabrikkers Forening om sukkerinntaket i Norge
• Nidar sjokoladefabrikk om kosthold Arkivert 2007-09-27 ved Wayback Machine.
• Sunnere godteri Arkivert 2007-09-29 ved Wayback Machine.
• Grønn Hverdag om miljøvennlig godteri Arkivert 2007-01-03 ved Wayback Machine.
• Godteri med vitaminer
• Oppskrifter på hjemmelagd godteri Arkivert 2007-01-06 ved Wayback Machine.
• Om sukkeravhengighet Arkivert 2006-09-25 ved Wayback Machine.
  Denne matartikkelen er ei spire. Du kan hjelpe Nynorsk Wikipedia gjennom å utvide han.