Giske

Giske er den minste øya i Giske kommune, og har 842 innbyggjarar (2024). Tettstaden Giske ligg på øya. Jordbruk, fiske og trevareindustri er dei viktigaste næringsvegane.

Giske
Utsyn over Giske.
Geografi
Stad	Sunnmøre
Koordinatar	62°30′24″N 06°02′53″E
Areal	2,67 km²
Høgaste punkt	Ørnebakken (26 moh.)
Administrasjon
Land	Noreg
Fylke	Møre og Romsdal
Største busetnad	Giske (813 innb.)
Demografi
Folketal	842 (2024)
Folketettleik	315 /km²

Kultur

Flate Giske med snø.

Namnet Giske er truleg avleia av norrønt gizki, 'duk' eller 'klut', som viser til den flate forma på øya. Ho var sete for fleire mektige slekter; slekta til Ragnvald Mørejarl, Arnungeætta frå 900-talet av, og Giskeætta vidare oppover i mellomalderen.

Øya har fornminne frå mange epokar, som Mjelthaugen frå bronsealderen, Giske kyrkje frå mellomalderen og det tidlegare Giskegodset. Det historiske Giskespelet, som blir vist fram anna kvar sommar, fortel soga om Arnungane.

Geografi

Makkavika.

Øya har ei flatevidd på 2,67 km². Ørnebakken på 26 moh. er det høgaste punktet.

Ho blei forbunden med fastlandet i 1987, då bru til Valderøy stod ferdig. Vegnettet blei seinare utvida med ein undersjøisk tunnel til Godøy.

Våtmarksområdet Makkevika er eit freda fuglemområde. Strandlina har mange fine sandstrender som blir brukte av både fastbuande og tilreisande. Dei mest besøkte strendene er sanden ved brua og Øygardsjøen. På Kvalneset, vest på øya, tørka ein tidlegare fisk.

Folketalsutvikling:

1801[1]	1900[2]	2000[3]	2024[3]
194	468	592	842

Kjelder

1. Folketeljing 1801 for Borgund prestegjeld, frå Digitalarkivet
2. Folketeljing 1900 for Borgund herred, frå Digitalarkivet
3. Befolkning, etter grunnkrets, statistikkvariabel og år, frå Statistisk sentralbyrå

• «Øyriket Giske» på giske.kommune.no^{[daud lenkje]}
• http://www.godoy.no/weber/lokalhistorie/Giske/giske.htm
• Kart og oversyn på visitgiske.no