Gaular kommune

Gaular er ein tidlegare norsk kommune i Sogn og Fjordane fylke. Frå 1. januar 2020 blei området del av Sunnfjord kommune.

Gaular kommune
kommune
Kommunevåpen
Land	Noreg
Fylke	Sogn og Fjordane
Adm.senter	Sande
Areal	582 km²
•  land	541 km²
•  vatn	41 km²
Målform	nynorsk
Ordførar	Mathias Råheim (H)
Kommunenr.	1430
Gaular kommune 61.333888888889°N 5.7888888888889°E / 61.333888888889; 5.7888888888889
Kart som viser Gaular kommune. Kart som viser Gaular kommune.
Wikimedia Commons: Gaular
Nettstad: www.gaular.kommune.no

Geografisk plassering

I vest grensa kommunen mot Fjaler og dekte indre delar av Dalsfjorden. Vidare strekte kommunen seg austover langs med Gaulavassdraget inn mot Gaularfjellet og Jostedalsbreen. Mot aust grensa kommunen mot Balestrand.

I nord grensa kommunen mot Førde og Askvoll. Førde var den næraste byen for Gaular og flyplassen til Førde (Førde lufthamn, Bringeland) låg i Gaular.

I sør grensa kommunen mot Høyanger i Sogn.

Busetnad

Det var tre hovudbygder i kommunen, Bygstad i vest, Sande og Viksdalen i aust. Busetnaden er ganske spreidd og det er få klare skilje mellom bygdene. Kommunesenteret var på Sande, der også den største skulen er plassert.

Folketalsutvikling

Folketalsutvikling for Gaular kommune frå 1920:

1.12.1920[1]	1.12.1930[2]	3.12.1946[2]	1.1.1951[3]	1.1.1961[3]	1.1.1971[3]	1.1.1981[3]	1.1.1991[3]	1.1.2001[3]	1.1.2010[3]
3251a	3216a	3234a	3039a	2843a	2604a	2877a	2924	2857	2778

^a Talet omfattar ikkje mesteparten av grunnkrinsen Hestad på nordsida av Dalsfjorden, som var del av Fjaler kommune fram til 1990, då det vart overført til Gaular kommune. Dette området hadde då 90 innbyggjarar.

Fotnotar

1. Statistisk årbok for kongeriket Norge 40de årgang, 1920 (Det statistiske centralbyrå, 1921)
2. Statistisk årbok for Norge 69. årgang, 1950 (Statistisk sentralbyrå, 1950)
3. Folkemengd i Gaular 1. januar kvart år frå 1951, frå Statistisk sentralbyrå

Bakgrunnsstoff

• Gaular kommune
  Denne geografiartikkelen er ei spire. Du kan hjelpe Nynorsk Wikipedia gjennom å utvide han.