Frei

Frei er den største øya i Kristiansund kommune i Møre og Romsdal, med eit areal på 62,5 km². Største tettstad er Rensvik med 2572 innbyggjarar (2024). Det høgaste punktet på Frei er Freikollen, 629 moh.

Frei
Freikollen, det høgaste fjellet i Kristiansund kommune, ligg på øya Frei. Foto: Harald Oppedal
Geografi
Stad	Nordmøre
Koordinatar	63°03′N 07°48′E
Areal	63,08 km²
Høgaste punkt	Freikollen (629 moh.)
Administrasjon
Land	Noreg
Fylke	Møre og Romsdal
Største busetnad	Rensvik (2572 innb.)
Demografi
Folketal	ca. 5500 (2024)
Folketettleik	ca. 87 /km²

Kommunevåpenet til Frei kommune føre samanslåinga med Kristiansund.

Frei kommune

Frei er òg ein tidlegare kommune. Han grensa til Kristiansund kommune i nord og var elles omgjeven av fjordar og sund. I søraust ligg Tingvoll kommune, i sør Gjemnes kommune og i vest Averøy kommune.

Grensene til Frei kommune vart endra fleire gonger. I 1882 vart ein del overført til Øre kommune og i 1893 vart ein del skilt ut og innlemma i nyoppretta Gjemnes kommune. I 1964 mista kommunen ein del av Aspøya til Tingvoll kommune, men fekk til gjengjeld ein del av øya Frei som fram til då hadde vore del av Bremsnes kommune.

Den 1. januar 2008 vart Frei kommune samanslegen med Kristiansund kommune. Dette vart vedteke i folkeavstemming der 1 330 stemte for og 1 252 stemte imot.

Innbyggjartalet i 2007 var ca 5 428. Administrasjonssenteret var Rensvik.

Folketalsutvikling

Folketalsutvikling for øya Frei

1801[1][2]	1900[3][4]	2000[5][a]	2024[5][a]
396	1055	4954	5676

Folketalsutvikling for tidlegare Frei kommune frå 1964 til 2007:

1.1.1964[6]	1.1.1971[6]	1.1.1981[6]	1.1.1991[6]	1.1.2001[6]	1.1.2007[6]
2369	2599	4204	4893	5187	5428

Natur

Topografi

Øyar og holmar

• Flatsetøya
• Husøya
• Hansøya i Bolga
• Fugløya
• Rensvikholmen
• Amundøya
• Brattøya
• Flatøya
• Kattholmen
• Årholmen

Fjell og åsar

• Freikollen
• Ørnlia
• Flåhylla
• Breilia
• Kistfjellet
• Midtfjellet
• Hysåsen
• Storskarven

Vatn

• Bolgavatnet
• Rensvikvatnet
• Drabovatnet
• Kjerringvatnet
• Sætervatnet
• Litlvatnet («Lille Rensvikvatn»)

Merknadar

1. Medrekna Husøya, Hansøya, og Rensvikholmen

Kjelder

1. Folketeljing 1801 for Kvernes prestegjeld, frå Digitalarkivet
2. Folketeljing 1801 for Tingvoll prestegjeld, frå Digitalarkivet
3. Folketeljing 1900 for Bremsnes herred, frå Digitalarkivet
4. Folketeljing 1900 for Frei herred, frå Digitalarkivet
5. Befolkning, etter grunnkrets, statistikkvariabel og år, frå Statistisk sentralbyrå
6. Folkemengd i Frei 1. januar kvart år frå 1951, frå Statistisk sentralbyrå