norsk språkforskar From Wikipedia, the free encyclopedia
Finn-Erik Vinje (fødd 6. mars 1936) er pensjonert professor i nordisk språkvitskap, oppvaksen i Bærum. Han var frå 1975–2006 professor i moderne norsk språk ved Universitetet i Oslo, og frå 1971 til 1975 professor i nordisk ved Universitetet i Trondheim. Han har òg vore lektor i norsk språk og litteratur ved Stockholms universitet (1962-1967).
Finn-Erik Vinje | |||
Fødd | 6. mars 1936 | ||
---|---|---|---|
Nasjonalitet | Noreg | ||
Yrke | lingvist, filolog | ||
Institusjonar | Universitetet i Oslo Noregs teknisk-naturvitskaplege universitet | ||
Barn | Vetle Vinje | ||
Medlem | Det Norske Akademi for Språk og Litteratur |
Fagområdet til Vinje er nyare språkhistorie og språknormering. Vinje har drive språkleg konsulentverksemd, særleg gjennom vervet som språkkonsulent for bokmål i NRK (1971–1993) og som medarbeidar i NRKs radioprogram Språkrøret (1974–1989). Vinje har dessutan hatt språkspalte i Arbeiderbladet, Programbladet og Skole-fokus. På 1970-talet vart Vinje engasjert av Forbrukardepartementet til å lage kurs i praktisk språkbruk, og har sidan den tid halde ei rad kurs som han òg har laga lærebøker til.
Språkpolitisk var Finn-Erik Vinje samnorsk-tilhengjar på 1960- og 1970-talet. På 1980- og 1990-talet vart Vinje meir talsmann for usus-prinsippet, og han har orientert seg mot riksmålet og Riksmålsforbundet, m.a. gjennom skriving i Riksmålsforbundets blad Ordet og som formann for Litteraturpriskomitéen.
Vinje har markert seg for meir bruk av normert talespråk og imot obligatorisk sidemålsopplæring i skulen. I tillegg meiner han at nynorsken vil døy ut.
Vinje er juryformann for Riksmålsforbundets litteraturpris (2006–) og vart innvald i Det Norske Akademi for Sprog og Litteratur i 2005. Han var medlem av Norsk språkråd frå skipinga i 1972, var med på liberaliseringsvedtaket og sat i det såkalla særutvalet som førebudde rettskrivinga av 1981. Han vart i 1992 heidra av UiO med Det historisk-filosofiske fakultets pris for populærvitenskapelig formidling.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.