Felix Gottwald

Felix Gottwald (fødd 13. januar 1976) er ein austerriksk, tidlegare kombinertløpar frå Zell am See i forbundslandet Salzburg. Mellom 1997 og 2001 vann han 18 medaljar (6-3-9) i ulike verdsmeisterskap på ski og i vinterolympiadar. Halvparten av medaljane oppnådde han i indidividuelle øvingar; eitt gull, to sølv og seks bronsar. Gottwald vann 23 renn i verdscupen, og sikra seg kombinertpokalen for 2001-sesongen.

Felix Gottwald
Statsborgarskap	Austerrike
Fødd	13. januar 1976 (48 år) Zell am See
Idrett	kombinert
Tok del i	Vinter-OL 1994, Vinter-OL 1998, Nordic combined at the 2002 Winter Olympics – individual, Nordic combined at the 2006 Winter Olympics – individual Gundersen, Nordic combined at the 2002 Winter Olympics – sprint, Nordic combined at the 2006 Winter Olympics – sprint, Nordic combined at the 2002 Winter Olympics – team, Nordic combined at the 2006 Winter Olympics – team, Kombinert under Vinter-OL 2010 – Lag
Utmerkingar	stort utmerkelse for fortjenster for republikken Østerrike, Holmenkollmedaljen

Aktiv

Gottwald fekk sin fyrste VM-medalje då han i ski-VM 1997 i Trondheim var med på Austerrikes lag som tok bronse i lagtevlinga. Fire år seinare vart det sølvmedaljar på Gottwald og Austerrike i lagtevlinga i ski-VM i Lahti, der han kapra bronsemedaljen i normaløvinga.

Under vinter-OL 2002 i Salt Lake City hamna Gottwald på tredjeplass i begge dei individuelle øvingane, og var dessutan med på laget som vart nummer tre i lagtevlinga. Året etter, i verdsmeisterskapen i Val di Fiemme i 2003, tok Gottwald medalje i alle tre kombinertøvingae. Han fekk medaljar av kvar valør; gull i lagtevlinga saman med Michael Gruber, Wilhelm Denifl og Christoph Bieler, sølv i normaløvinga og bronse i halvprogrammet (sprint).

I verdsmeisterskapen i Oberstdorf i 2005 fekk Gottwald to bronsemedaljar; ein i normaløvinga og ein i lagtevlinga. Høgdepunktet for Gottald kom då han vart olympisk meister i sprint (halvprogram) og i lagtevlinga i Torino, samt tok sølvet i normaløvinga.

Gottwald vann sitt tredje OL-gull då han i Vancouver 2010 atter var mellom dei fire utvalde austerrikarane som vann lagtevlinga, dei andre på laget var Bernhard Gruber, David Kreiner og ankermannen Mario Stecher. I sitt siste internasjonale meisterskap, ski-VM 2011 i Oslo tok Gottwald ein individuell bronse, og han var med på det austerrikske laget som vann begge lagtevlingane.

Han la opp i 2011.

Verdcupsigrar

Dato	Stad	Land
2. desember 2000	Kuopio	Finland
3. desember 2000	Kuopio	Finland
19. januar 2001	Park City	USA
1. mars 2001	Nayoro	Japan
9. mars 2001	Oslo	Noreg
10. Mars 2001	Oslo	Noreg
7. desember 2001	Zakopane	Polen
16. desember 2001	Steamboat Springs	USA
29. desember 2001	Oberwiesenthal	Tyskland
5. januar 2002	Schonach	Tyskland
11. januar 2002	Val di Fiemme	Italia
13. januar 2002	Ramsau am Dachstein	Austerrike
1. januar 2003	Oberhof	Tyskland
12. januar 2003	Chaux-Neuve	Frankrike
8. mars 2003	Oslo	Noreg
15. mars 2003	Lahti	Finland
12. februar 2005	Pragelato	Italia
3. januar 2006	Ruhpolding	Tyskland
6. januar 2007	Oberstdorf	Tyskland
20. januar 2007	Seefeld	Austerrike
9. januar 2010	Val di Fiemme	Italia
27. november 2010	Kuusamo	Finland
8. januar 2011	Schonach	Tyskland

I 2003 vart Gottwald tildelt Holmenkollmedaljen saman med Ronny Ackermann.

Kjelder

• Denne artikkelen bygger på «Felix Gottwald» frå Wikipedia på engelsk, den 21. februar 2013.

Bakgrunnsstoff

• (en) Felix Gottwald – Profil og resultatoversikt hos FIS
• «Felix Gottwald» (på engelsk). Olympedia. Henta 5. februar 2022.