From Wikipedia, the free encyclopedia
Fateh Ali Khan (1901–1964) var ein hindustani- og qawwalimusikar frå Britisk India og seinare Pakistan. Han var ein kjend qawwalisongar[1] som var verksam på 1940- og 1950-talet, og var far til dei kjende artistane Nusrat Fateh Ali Khan og Farrukh Fateh Ali Khan.
Fateh Ali Khan | |||
Fødd | 1901 | ||
---|---|---|---|
Fødestad | Jalandhar i Panjab i India | ||
Død | 1964 (63 år) | ||
Dødsstad | Pakistan | ||
Opphav | Pakistan, Britisk India | ||
Sjanger | Qawwali | ||
Instrument | Vokal, harmonium, tabla | ||
Verka som | musikkforskar, storyteller, songar | ||
Born | Nusrat Fateh Ali Khan, Farrukh Fateh Ali Khan | ||
Prisar | Pride of Performance |
Fateh Ali Khan var fødd 1901, i Jalandhar i Panjab i Britisk India. Han kom frå ein gammal qawwalifamilie, og fekk opplæring av far sin, Maula Baksh Khan. Fateh Ali Khan lærte å spela sitar, sarod og vitsjitra-vina (vichitra veena), i tillegg til vestlege instrument som fiolin. Han lærte også vers på panjabi, urdu, arabisk og persisk.
Fateh Ali Khan var leiar for familiegruppa «Fateh Ali Khan, Mubarak Ali Khan & Party». Broren Mubarak Ali Khan song og spelte harmonium i gruppa. Begge var rekna som nokre av dei fremste qawwali-artistane i samtida si. Dei er gjevne mykje av æra for å gjera dikta til Muhammad Iqbal kjend for eit større publikum..[2] Iqbal si dikting var omtykt i akademiske og intellektuelle krinsar, men var rekna som vanskeleg å tonesetja og synga. Fateh Ali Khan og Mubarak Ali Khan brukte den nye massemediateknologien under utvikling i Britisk India til å gjera han meir populær blant allmogen.[3]
I 1948 blei sonen hans Nusrat fødd i Faisalabad i Pakistan. Fateh Ali Khan ville at Nusrat skulle bli lege eller ingeniør ettersom han følte at qawwali-utøvarar hadde låg sosial status. Då Nusrat likevel viste store interesse og evner for qawwali, gav faren etter, og byrja å læra han opp. Fateh Ali Khan døydde i 1964 då han var 63 år gammal, og Nusrat berre 16. Nusrat si opplæring blei fullført av brørne til Fateh Ali Khan, Mubarak Ali Khan og Salamat Ali Khan.[4] Fateh Ali Khan-familien er sidan blitt verdskjende for sin qawwalimusikk.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.