Eudyptes

Eudyptes er ei biologisk slekt av seks pingvinartar. Felles karakteristiske trekk inkluderer iaugefallande gulfarga fjørpryd på hovudet, som kraftige augebryn, dessutan raudfarge i nebbet, og rosa føter. Dei hekkar på New Zealand og sub-antarktiske øyar i Sørishavet. Alle legg to egg, men det første egget dei legg er vesentleg mindre enn den andre.

Eudyptes
Gulltoppingvin, Eudyptes chrysolophus på Sør-Georgia. Foto: Serge Ouachée
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Overorden:	Aequornithes
Orden:	Sphenisciformes
Familie:	Pingvinar Spheniscidae
Slekt:	Eudyptes Vieillot, 1817

Skildring

Lætet frå desse fuglane er meir samansett enn blant andre pingvinartar, med varierte strofer av ulik lengd.^[1]

Eudyptes-pingvinar hekkar på øyar i dei sørlege delar av verdshava, det største mangfaldet finn ein rundt New Zealand og omkringliggande øyar. Kurtise og åtferd ved hekking er meir utvikla enn blant andre pingvinartar.^[2] Begge kjønna tar del i ruging av egg og ungar.^[3]

Desse pingvinane legg to egg, men det første er mindre enn det andre. Alle artane viser det sjeldne fenomenet, den første egget (eller egg-A) er monaleg mindre enn den andre (egg-B). Det er mest ekstremt hos klippehopparpingvin, kor det første egget gjennomsnitt berre har 60 % av storleiken til det andre egget.^[4] Grunnen til dette fenomenet er enno ukjent.

Artsliste

Eudyptes i rekkjefølgje etter EBird/Clements Checklist v2017^[5] med norske namn etter Ny verdensliste med norske fuglenavn NOF, 20.04.2017

• Skogpingvin, Eudyptes pachyrhynchus, Fiordland Penguin, VU
• Hornpingvin, Eudyptes sclateri, Erect-crested Penguin, EN
• Gulltoppingvin, Eudyptes chrysolophus, Macaroni Penguin, VU
• Kvitkinnpingvin, Eudyptes schlegeli, Royal Penguin, VU
• Klippehopparpingvin, Eudyptes chrysocome, Rockhopper Penguin, VU
• Langduskpingvin, Eudyptes moseleyi, Tristan Penguin, EN
• Snarespingvin, Eudyptes robustus, Snares Penguin, VU