Espen Rian (fødd 10. februar 1981) er ein norsk tidlegare kombinertrennar frå Stadsbygd. Han var med på det norske firemannslaget som vann bronsemedalje i lagtevlinga under Ski-VM 2007. Frå NM-tevlingar fekk han med seg fem bronsemedaljar.
| Espen Rian | |
| Statsborgarskap | Noreg |
| Fødd | 11. februar 1981 (43 år) Trondheim |
| Idrett | kombinert |
| Tok del i | Vinter-OL 2010 |
Rian debuterte i verdscupen 29. desember 2001 i Oberwiesenthal, der han kom på 22. plass i sprintøvinga. I november og desember 2006 oppnådde han to plasseringar mellom dei ti første i verdscupen. Den beste plasseringa i verdscupen vart ein femteplass i Holmenkollen i 2008-sesongen.
Under VM 2007 i Sapporo var han med på å ta bronse i lagtevlinga med det norske laget, saman med Petter Tande, Magnus Moan og Håvard Klemetsen. Individuelt vart han nummer åtte i normaløvinga med to hopp i skibakken og 10 km langrenn.
Rian var reserve til vinter-OL 2010 i Vancouver. Då Ole Christian Wendel vart sjuk og reiste heim, reiste Rian til Canada. Han deltok i den øvinga då det vart hoppa i den store bakken og vart nummer 35, dessutan var han med på Noregs lag som kom på femteplass i lagtevling.
Besteplasseringar i internasjonale meisterskap
- 2007: Nr 8 i normalprogrammet, bronsemedalje i lag under Ski-VM i Sapporo
- 2009: Nr 18 i halvprogrammet i verdsmeisteskapen i Liberec
- 2010: Nr 5 i lagtevling i vinter-OL i Vancouver
Besteplasseringar i internasjonale renn
Medaljar og besteplasseringar i noregsmeisterskap
- Ski-NM 2003: Nr 4 i kombinert halvprogram i Molde
- Ski-NM 2004: Bronse i kombinert halvprogram og nr 9 i normalbakken, begge på Bardufoss
- Ski-NM 2005: Nr 4 på Lillehammer
- Ski-NM 2006: Bronse i halvprogram på Kongsberg
- Ski-NM 2007: Bronse i kombinert halvprogram i Bardu og nr 12 i skihopp i storbakken på Lillehammer
- Ski-NM 2008: Bronse i halvprogram i Trondheim
- Ski-NM 2009: Bronse i fellesstart på Gjøvik
- Ski-NM 2010: Nr 6 på Steinkjer
Han la opp som aktiv kombinertløpar i 2011.
- Sportsboken, aktuelle årgangar
- Espen Rian i fis-ski.com
- Espen Rian i olympedia.org
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
