Enrico Caruso

Enrico Caruso (25. februar 1873–2. august 1921) var ein verdskjend italiensk operatenor. Han opptredde ved store operahus i Europa og Amerika med rollar hovudsakleg frå fransk og italiensk opera. Caruso gjorde også rundt 290 opptak som blei gjevne ut på grammofon mellom 1902 og 1920.

Enrico Caruso
Fødd	24. februar 1873
Fødestad	Provinsen Napoli, Napoli
Død	2. august 1921 (48 år)
Dødsstad	Napoli
Fødenamn	Enrico Caruso
Alias	Karuzo, Enriko‏
Opphav	Kongedømet Italia
Aktiv	1894–1921
Sjanger	opera
Instrument	vokal
Stemmetype	tenor
Plateselskap	Victor Talking Machine Company
Verka som	operasongar
Mor	Anna Baldini
Far	Marcellino Caruso
Gift med	Dorothy Caruso
Born	Gloria Grazianna Victoria America Caruso, Enrico Caruso Jr.
Prisar	Grammy Lifetime Achievement Award, stjerne på Hollywood Walk of Fame

Lucia di Lammermoor (1908).

Bakgrunn

Errico Caruso var fødd i Napoli i ein lite velståande familie der faren var metallmekanikar og mora vaskedame. Han var den tredje av sju ungar. Errico gjekk på skulen men slutta i tiårsalderen for å bli lærling hjå ein fontenemekanikar, og arbeidde seinare òg saman med faren. Mora insisterte på at han skulle fortsetja utdanninga, og han gjekk på kveldsskule og fekk noko opplæring av ein prest. Mora Anna Baldini Caruso døydde i 1888. Kort tid seinare gifta faren Marcellino seg på nytt med Maria Castaldi.

Caruso song også i kyrkjekoret og viste seg å ha ein imponerande stemme. Han byrja opptre som gatesongar, på kafear og småkonsertar, og fekk opplæring i stemmebruk frå han var 16. Songlæraren hans, Guglielmo Vergine, føreslo at han skulle endra den lokale forma av namnet sitt, Errico, til den standard italienske Enrico.

Kjelder

• Denne artikkelen bygger på «Enrico Caruso» frå Wikipedia på engelsk, og «Enrico Caruso» frå Wikipedia på italiensk den 10. desember 2010.