Elbląg

Elbląg (tysk Elbing, latinsk Elbinga) er ein by nord i Polen med om lag 125 000 innbyggjarar. Han høyrer til Ermelandskmasuriske voivodskap (sidan 1999) og var tidlegare hovudstad i Elbląg voivodskap (1975–1998) og kommunesenter Gdańsk voivodskap (1945–1975). Byen har ei hamn ved Elblągelva som renn ut i Wisłalagunen om lag 10 km lenger nord. Byen har derfor tilgjenge til Austersjøen via det russiskkontrollerte Baltiysksundet.

Elbląg
Hamna og gamlebyen Hamna og gamlebyen
Flagget til Elbląg Byvåpenet til Elbląg
Plassering
Styresmakter
Land Voivodskap	Polen Ermelandskmasuriske
Grunnlagd Byrettar	1237 1246
Geografi
Flatevidd  - By	80 km²
Innbyggjarar  - Totalt (2006)    - folketettleik	127 055   1588/km²
Koordinatar	54°5′40″N 19°24′15″E
Diverse annan informasjon
Postnummer	82-300 til 82-315
Telefon-retningsnummer	+48 055
Bilnummer	NE
Nettstad: www.umelblag.pl

I mellomalderen låg den gammalprøyssiske busetnaden Truso ved Drużnosjøen nær den noverande Elbląg i det historiske Pogesania. Busetnaden vart brend ned på 900-talet.^[1] Den tyske riddarordenen erobra regionen og innbyggjarane vart spreidd. Den tyske riddarordenen bygde ei borg og grunnla Elbing med innbyggjarar som stort sett kom frå Lübeck. I dag er innsjøen mykje mindre og rekk ikkje bort til byen lenger. Etter Dei tyske riddarane sitt nederlag vart borga øydelagd av innbyggjarane og byen kom så inn under den polske krona (1466), Kongedømet Preussen (1772) og Det tyske keisardømet (1871). Elbing vart kraftig råka under den andre verdskrigen og dei tyske innbyggjarane vart drivne bort då krigen var over. Byen var ein del av Polen i 1945 og vart folkesett på ny med polske borgarar.

Kjelder

• Denne artikkelen bygger på «Elbląg» frå Wikipedia på engelsk, den 16. juni 2008.

Fotnotar

1. I følgje Elbląg museum