Elano

Elano Ralph Blumer (fødd 14. juni 1981 i Iracemápolis i delstaten São Paulo) er ein brasiliansk fotballspelar som spelar på midtbanen for Galatasaray i den tyrkiske fotballigaen, og for landslaget til Brasil.

Elano

Personleg informasjon
Fullt namn	Elano Ralph Blumer
Fødd	14. juni 1981
Fødestad	Iracemápolis i Brasil
Høgd	175 cm
Posisjon	Midtbanespelar
Klubbinformasjon
Noverande lag	Galatasaray
Nummer	9
Ungdomsklubbar
1998-99 2000	Guarani Inter de Limeira
Seniorkarriere*
År	Lag	Kampar (Mål)
2001-04 2004-07 2007-09 2009-	Santos Sjakhtar Donetsk Manchester City Galatasaray	129 (34) 49 (14) 62 (14) 22 (3)
Landslag
2004-	Brasil	42 (6)
* Seniorklubbkampar og mål berre telt for nasjonal liga og oppdatert 12. desember 2009 ‡ Landslagsmål oppdatert 12. desember 2009

Elano spelte i tre år i storklubben Santos og vann den brasilianske serien med dei i 2004. Same året drog han til Europa og Sjakhtar Donetsk i Ukraina. Etter tre år i Ukraina, der han var med på å vinna serien i 2005 og 2006, vart han kjøpt for 8 millionar britiske pund av Manchester City, 2. august 2007. Etter ein vellukka første sesong, der han vart klubben sin toppskårar i Premier League med 8 seriemål, fekk han problem med å halda ein fast plass på laget i 2008/09-sesongen. 30. juli 2009 skreiv han under for den tyrkiske toppklubben Galatasaray.

Elano debuterte for Brasil sitt A-landslag i oktober 2004. Då han spelte for Brasil mot Noreg 16. august 2006, vart han den første spelaren frå den ukrainske fotballigaen til å spela på Brasil sitt landslag. Han var med på Brasil sitt lag som vann Copa América i 2007.