Dufek Coast

Dufek Coast (84°30′S 179°0′W) er den delen av kysten langs sørvestdelen av Ross isbrem mellom Airdrop Peak på austsida av Beardmore Glacier og Morris Peak på austsida av Liv-breen. Han vart namngjeven av New Zealand Antarctic Place-Names Committee i 1961 etter kontreadmiral George J. Dufek i US Navy, som tente under kontreadmiral Richard E. Byrd med U.S. Antarctic Service, 1939–41, og som kommandør av Eastern Task Force i U.S. Navy Operation Highjump i 1946–47. Han var komamndør i U.S. Naval Support Force Antarctic, 1954–59, ein periode då dei amerikanske forskingsstasjonane McMurdo Station, Little America V, Byrd Station, South Pole Station, Wilkes Station, Hallett Station og Ellsworth Station vart oppretta. Amerikanske marineskip, luftfartøy og personell under hans kommando gjorde store logistiske operasjonar i samband med forsking og landmåling i området. 31. oktober 1956 vart Dufek med det første flyet som flydde frå McMurdo Sound via Beardmore Glacier og vart det første flyet som landa på Sørpolen.^[1]

Dufek Coast (Antarktis)

Dufek Head, Dufek Massif og Dufek Mountain er òg kalla opp etter Dufek.

Kjelder

1. «Dufek Coast». Geographic Names Information System. United States Geological Survey, United States Department of the Interior. Henta 15. oktober 2012.

 Denne artikkelen inneheld stoff som er offentleg eige frå United States Geological Survey-artikkelen «Dufek Coast» (innhald frå Geographic Names Information System).