Donaueschingen

Donaueschingen er ein by i Tyskland sørvest i delstaten Baden-Württemberg med om lag 21 000 innbyggjarar. Byen ligg i landkreisen Schwarzwald-Baar nær kjelda til elva Donau. Han ligg 13 km sør for Villingen-Schwenningen, 24 km vest for Tuttlingen og om lag 30 km nord for den sveitsiske byen Schaffhausen.

Donaueschingen
by
Våpenskjold
Land	Tyskland
Stat	Baden-Württemberg
Region	Freiburg
Landkreis	Schwarzwald-Baar-Kreis
Høgd	686 m
Areal	104,67 km²
Folketal	22 312 (31. desember 2023)
Først nemnd i	889
Postnummer	78166
Retningsnummer	0771
Bilnummer	VS
Donaueschingen 47.953055555556°N 8.5033333333333°E / 47.953055555556; 8.5033333333333
Wikimedia Commons: Donaueschingen

Geografi

Donaueschingen ligg på Baarplatået sør i Schwarzwald. Elvane Brigach og Breg renn her i saman og dannar elva Donau, som har gjeve namn til byen.

Donaueschingen rundt år 1900.

Historie

Byen vart først nemnd som Donaueschingen i 889. I 1283 gav Rudolf von Habsburg grevskapet Baar og Donaueschingen til Heinrich von Fürstenberg, i tillegg til rettane til å bryggje øl. Dette er opphavet til bryggjeriet Fürstlich Fürstenbergische Brauerei. I 1488 gjekk byen til greven av Fürstenberg. Frå 1700-talet var Donaueschingen residens for fyrstane av Fürstenberg. I 1806 kom byen inn under Storhertugdømet Baden og fekk bystatus i 1810. Ein stor del av byen vart øydelagd av ein brann i 1908.