Dharmahjulet

Dharmahjulet (sanskrit IAST dharmacakra, pali dhammacakka) er eitt av åtte lukkebringande symbol (asjtamangala)^[1] i fleire indiske religionar som buddhismen, djainismen og hinduismen. Det har vore eit symbol på dharma ('loven' eller 'vegen'), læra til Gautama Buddha om vegen til nirvana, sidan tidleg buddhisme.^[2]

Dharmahjul og knelande hjortar ved buddhisttempelet Jokhang i Lhasa i Tibet.

Hjulet er også ein del av det indiske flagget og det mongolske og srilankiske riksvåpenet.