Det libyske flagget

Det libyske flagget er delt i tre vassrette striper med eit halvmåne og stjerne-merke i midten.^[1] Flagget blei først teke i bruk av Libya i 1951, etter at landet fekk sjølvstende frå Italia, og igjen av libyske opprørarar mot styret til Muammar Gaddafi i 2011.^[1] Under Gaddhafi-styret nytta landet ulike andre flagg.

Det libyske flagget.

Det libyske orlogsflagget

Flagg under Muammar Gaddhafi

Frå 1969 til 1977 brukte Den libyske arabiske republikken ein trikolor i raudt, kvitt og svart, frå 1972 med riksvåpenet i midten. I 1977 innførte diktatoren Muammar Gaddafi eit einsfarga grønt flagg.^[2] Dette var det einaste nasjonalflagget i verda utan noka form for mønster. Grønfargen er heilag i islam, og står for denne religionen. Det grøne flagget blei teke i bruk den 19. november 1977, etter oppløysinga av føderasjonen av arabiske republikkar, der Egypt og Syria hadde vore med.

Orlogsflagget hadde nasjonalflagget i kantonen på ein lys blå duk. Eit eige maritimt merke, eit kvitt anker med kabel, er plassert i den frie enden av flagget.

Galleri

• 
  Flagget til Den libyske arabiske republikken (1969-1972)
• 
  Flagget til Den libyske arabiske republikken (1972-1977)
• 
  Det grøne flagget (1977-2011)
• 
  Orlogsflagget med det grøne flagget.

Kjelder

1. «Libyas_flagg_og_våpen» i Store norske leksikon, snl.no.
2. «flag of Libya». britannica.com. Henta 27. februar 2024.

• Denne artikkelen bygger på «Flag of Libya» frå Wikipedia på engelsk, den 26. august 2011.