From Wikipedia, the free encyclopedia
Denwick er ein liten landsby og civil parish (kommune) i Northumberland i England.[2] Han har 267 innbyggjarar (2011).[3] Staden ligg rundt 2 km nordaust for Alnwick.
| Denwick | |||
 Golden Moor i Denwick | |||
| Land | Storbritannia | ||
|---|---|---|---|
| Fylke | Northumberland | ||
| Folketal | 250 (2021)[1] | ||
 Denwick 55.4221°N 1.67782°W | |||
| Wikimedia Commons: Denwick | |||
Namnet Denwick kjem frå gammalengelsk denu, 'dal' og wīc, 'busetnad' eller 'gard'.[4] Uttalen av namnet i dag er Dénnick.[5]
Landsbyen blei planlagd og bygd på 1800-talet, ei tid med auka velstand i Northumberland, på eigedommen til hertugen av Northumberland. Det er funne spor etter busetnad frå staden frå bronsealderen.[6]
Kapellet i Denwick blei påkosta av Algernon George Percy, 6. hertugen av Northumberland i 1872, og held framleis jamleg gudstenester.[7] Dei fleste bygningane i landsbyen er eldre,[8] mellom anna Denwick House, som blei bygd i 1808 og no er verna som ein grade II-bygning.[9]
Kommunen er delt i to.[10] Sjølve landsbyen Denwick ligg i hovuddelen av kommunen, nord for elva Aln, i lag med størstedelen av Hulne Park. Den fråskilde sørdelen av soknet går så langt sør som Newton on the Moor.
Denwick Burn, ei sideelv til Aln, renn forbi landsbyen i nord.
Det finst fleire verna bygningar i soknet, mellom anna Denwick Bridge,[11] Heiferlaw Tower,[12] Brizlee Tower og Hulne Priory. Fleire bustadhus er også verna med grade II.[13]
Denwick ligg på ruta til buss 418 bus, driven av Travelsure.[14] Denne ruta går mellom Alnwick og Belford.[15]
Hovudvegen gjennom landsbyen er B1340, som går direkte til Alnwick. Veggkrysset i Denwick mellom B1340 og A1 blei bygd på 1980-talet.
| 1891 | 1901 | 1911 | 1921 | 1931 | 1951 | 1961 | 2001 |
|---|---|---|---|---|---|---|---|
| 682 | 662 | 713 | 668 | 593 | 441 | 451 | 266 |
Seamless Wikipedia browsing. On steroids.