From Wikipedia, the free encyclopedia
Cotonou er den største byen og det økonomiske senteret i Benin. Det offisielle folketalet i 2006 var 761 137, men innbyggjartalet er blitt estimert til å vera så høgt som 1,2 millionar Byen ligg søraust i landet, mellom Atlanterhavet og Nokouésjøen.[1]
Cotonou | |||
by | |||
Land | Benin | ||
---|---|---|---|
Fylke | Littoral | ||
Areal | 79 km² | ||
Folketal | 761 137 (2006) | ||
Cotonou 6.3666666666667°N 2.4166666666667°E | |||
Wikimedia Commons: Cotonou | |||
Sjølv om det er Porto-Novo som er hovudstaden i Benin, har regjeringa sete i Cotonou. Ein finn også fleire statlege bygningar og diplomatiske tenester her. Byen har ei stor hamn, flyplass og jernbane med samband til Parakou. Andre viktige byggverk er stadionet Stade de l'Amitié, domkyrkja i Cotonou, Sentralmoskeen i Cotnou, brua Ancien Pont Dantokpa-marknaden, som dekkjer 20 hektar.
Ved byrjinga av 1800-talet var Cotonou (då stava Kutonou) ein liten fiskelandsby som høyrde til kongeriket Dahomey. I 1851 gjorde Frankrike ein avtale med kong Ghezo av Dahoemy om å skipa ein handelsstasjon her. Under etterfølgjaren hans Glele (1858–89) blei territoriet avstått til Frankrike gjennom ein avtale signert 19. mai 1868. I 1883 okkuperte den franske marinen byen for å hindra britane frå å ta området. Etter at Glele døydde i 1889 prøvde sonen hans, Béhanzin, å gå imot avtalen, utan hell. Deretter utvikla byen seg raskt til å bli den største hamna i regionen.
I 1960 hadde byen berre rundt 70 000 innbyggjarar. Han har vakse kraftig, særleg mot vest. Sidan det finst lite land att å byggja på, har nærliggjande byar som Abomey-Calavi, Sèmè-Kpodji og Ouidah blitt forstader i eit storbyområde.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.