fugleart From Wikipedia, the free encyclopedia
Christmassule (Papasula abbotti) er ein sjeldan og sterkt truga sjøfugl i sulefamilien (Sulidae). Det einaste kjende hekkeområdet for arten er Christmasøya, ei øy på 135 km² i Indiahavet. Christmassula held seg i havområda kring denne øya året rundt.
| Christmassule | |
 Christmassule | |
| Utbreiing og status | |
Status i verda:  Utbreiinga av christmassule | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sulefuglar Suliformes |
| Familie: | Sulefamilien Sulidae |
| Slekt: | Papasula |
| Art: | Christmassule P. abbotti |
| Vitskapleg namn | |
| Papasula abbotti Ridgeway, 1893 | |
Christmassula blir om lag 79 cm lang og veg 1,4-1,7 kg. Ho har ei svart og kvit fjørdrakt. Auga er svarte. Nebbet er lysgrått hos hannfuglar, medan hoer har rosa nebb med svart tupp. Hovudet, nakken og store delar av undersida er kvite. Dei svarte dekkfjørene på oversida av vengene har kvite flekker.
Christmassula hekkar i den tropiske regnskogen på Christmasøya, hovudsakleg på høgplatå og vestsida av øya.
IUCN klassifiserer christmassula som sterkt truga (EN). Då arten først blei oppdaga av den amerikanske ornitologen William Louis Abbott i 1892 på Assumptionøya i den vestlege delen av Indiahavet, hadde ho eit større utbreiingsområde enn i dag. På Assumptionøya døydde arten ut på 1920- eller 1930-talet som følgje av avskoging og fosfatutvinning. Fossilfunn frå Rodrigues og Marshalløyane tyder på at ho tidlegare òg fanst på desse øyane.[1][2]
Frå 1965 til 1987 var gruvedrift det største trugsmålet mot arten på Christmasøya. Hekketrea blei hogde ned, og utvinninga etterlet store område utan vegetasjon. I 1988 øydela ein syklon ein tredjedel av hekkebestanden. På 1990-talet førte òg den invaderande maurarten Anoplolepis gracilipes til ein kraftig nedgang i bestanden, då ho drap mange ungar. Eit siste estimat av populasjonen er frå år 2000, og er på ca. 9000 individ inkludert ungfuglar. Ein trur trenden er stabil.[2]
Seamless Wikipedia browsing. On steroids.
