Papayafamilien

Papayafamilien (Caricaceae) er ein plantefamilie i ordenen Brassicales.^[1]

Papayafamilien
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Krossblomordenen Brassicales
Familie:	Papayafamilien Caricaceae Dumort., 1829

Han omfattar ca. 35 artar fordelt på seks planteslekter. Medlemmer i familien finst hovudsakleg i tropiske delar av Sentral- og Sør-Amerika og Afrika. Dei er kortliva eviggrøne buskar eller små tre med tjukk stamme og blir typisk 5–10 m høge. Ein art i familien, Vasconcellea horovitziana er ein lian, og tre artar i slekta Jarilla er urter.^[2] Fleire artar har frukter som kan etast av menneske og er ei kjelde til papain.^[3] Papaya er ein av plantane i slekta.

Ifølgje molekylær analyse skal familien ha oppstått i Afrika tidleg i kenozoikum for rundt ~66 millionar år sidan (mya). Utbreiinga frå Afrika til Sentral-Amerika fann stad ~35 mya, kanskje via havstraumar frå Kongo-deltaet. Frå Sentral-Amerika nådde familien Sør-Amerika 19-27 mya.^[4]

Slekter

Familien er delt inn i 6 slekter og 34-35 artar:

• Carica – ein art, Carica papaya (papaya), Amerika
• Cylicomorpha – to artar, Afrika
• Horovitzia – ein art, Mexico
• Jacaratia – åtte artar, Amerika
• Jarilla – tre artar, Amerika
• Vasconcellea – tjue artar, Amerika