Buenaventura
From Wikipedia, the free encyclopedia
Buenaventura er ein hamneby i Valle del Cauca-departementet i Colombia. Buenaventura, spansk for 'lukke', er den viktigaste hamna på den colombianske stillehavskysten.[1]
Foto: Wikimedia-brukar Jimysantandef
| Buenaventura | ||
|---|---|---|
 | ||
| ||
| Styresmakter | ||
| Land | Colombia | |
| Geografi | ||
| Flatevidd | 6 078 km² | |
| Flatevidd - By |
6 078 km² | |
| Innbyggjarar - By (2013 estimat) |
339 356 | |
| Koordinatar | 3°52′38″N 77°1′36″W | |
| Tidssone | EST (UTC-5) (UTC) | |
| Diverse anna | ||
| Telefon-retningsnummer | 224 | |
| Heimeside: http://www.buenaventura.gov.co/ | ||
| Nettstad: www.Buenaventura.gov.co | ||
Buenaventura er ein by med ein folkesetnad på 292 947[2] etter folketeljinga i 2005, og det meste av arealet av kommunen er landleg med spreidde små landsbyar. Folkesetnad er hovudsakleg av afrikansk avstamming (85 %) med 10 % blanda europeisk og urfolk og 5 % av spansk avstamming.
Byen vart grunnlagt 14. juli 1540. På den tida levde buscaja-indianarar i området og byen vart øydelagt av indianarar før 1600 og seinare gjenbygd. Buenaventura blomstra etter opninga av Panamakanalen i 1914. Per 2011 var byen prega av fattigdom og vald, og rekna som eit senter for kokainhandel i Colombia.[3]
Buenaventura har ein av dei største hamnene på kontinentet, står for om lag halvparten av all colombiansk import og eksport over havet,[4] og ca. 80 % av all kaffieksport frå landet går over hamna.[5] Men byen har vore hemma av gjengrelatert aktivitet slåst om kontroll av hamna, noko som gjer han til ein av dei farlegaste og fattigaste byane i Colombia.
Buenaventura har historisk rykte for å vere plaga av dei colombianske væpna konfliktane, narkotikahandel, vald, og nærvere av gerilja og paramilitære grupper.[6] På grunn av valden i Buenaventura skreiv New York Times ein artikkel med tittelen Cocaine Wars Make Port Colombia’s Deadliest City .[7]
Buenaventura ligg ca. 30 kilometer frå den vestlege cordilleraen av Andes og langs bilveg ca. 145 kilometer frå den store byen Cali, hovudstaden i Valle del Cauca-departementet.[5] Buenaventura er ein av dei mest regnfylte byane i verda med 6000-7000 mm årleg nedbør. Middeltemperaturen over døgnet varierer lite gjennom året og ligg på ca. 26 °C.[8]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
