Brothers and Sisters

Brothers and Sisters er det fjerde studioalbumet til det amerikanske rockebandet The Allman Brothers Band. Det vart produsert av Johnny Sandlin i lag med det bandet og kom ut i august 1973 i USA på Capricorn Records. Etter at leiaren for gruppa, Duane Allman, omkom i 1971, hadde The Allman Brothers Band gjeve ut Eat a Peach (1972), ei blanding av studio- og konsertopptak som vart det mest populære albumet deira til då. Etter dette kjøpte gruppa ein gard i Juliette i Georgia, der gruppa pleidde «å henge». Bassisten Berry Oakley sleit meir enn dei andre i bandet etter Duane døydde. Han drakk store mengder alkohol og tok mykje dop. Etter nesten eitt år med alvorleg depresjon, omkom Oakley i ei motorsykkelulukke i november 1972, berre tre kvartal frå staden der venen hadde døydd året før. Dette vart derfor det siste albumet til Oakley.

Brothers and Sisters Studioalbum av The Allman Brothers Band
Språk	engelsk
Utgjeve	August 1973
Innspelt	Oktober-desember 1972 Capricorn Sound Studios (Macon)
Sjanger	Countryrock southern rock bluesrock
Lengd	38:21
Selskap	Capricorn
Produsent	Johnny Sandlin, The Allman Brothers Band
The Allman Brothers Band-kronologi
Beginnings (1973)	Brothers and Sisters	Win, Lose or Draw (1975)
Singlar frå Brothers and Sisters
«Ramblin' Man» / «Pony Boy» Utgjeve: August 1973 «Jessica» / «Come and Go Blues» Utgjeve: December 1973

Meldingar
Karakter
Kjelde	Karakter
AllMusic	[1]
Creem	(A−)[2]

Bandet fortsette og henta inn Chuck Leavell på piano og Lamar Williams på bass. Brothers and Sisters vart stort sett spelt inn over ein periode på tre månader i Capricorn Sound Studios i Macon i Georgia. Sologitaristen Dickey Betts tok over rolla som leiaren i bandet, og mange av songane hans hadde ein meir country-inspirert til. Studiogitaristane Les Dudek og Tommy Talton var med på fleire songar. Albumet vart produsert samstundes med at vokalisten og organisten Gregg Allman spelte inn det første soloalbumet sitt, Laid Back, og består av mange av dei same musikarane og lydteknikarane.

Plateomslaget syner eit fotografi teken av Vaylor Trucks, sonen til trommeslagaren Butch Trucks og kona Linda. På baksida kan ein sjå eit bilete av Brittany Oakley, dottera til Berry Oakley og kona Linda.

Albumet vart det kommersielle høgdepunktet til The Allmans, og har seld over sju millionar eksemplar verda over. Det gjekk heilt til topps på Top 200 Pop Albums, der det låg i fem veker. «Ramblin' Man» vart den første og einaste hitsingelen til bandet, og han nådde andreplassen på Billboard Hot 100 i 1973. Albumet vart etterfølgd av ein turné på arenaer og stadion, men vart prega av dopmisbruk, uvenskap og dårleg kommunikasjon mellom gruppemedlemmane.

Innhald

Side ein

Nr.	Tittel	Låtskrivar(ar)	Personell	Lengd
1.	«Wasted Words»	Gregg Allman	Personell: Gregg Allman – solovokal, rytmegitar Dickey Betts – slidegitar Chuck Leavell – piano Berry Oakley – bass Butch Trucks – trommer Jaimoe – trommer	4:20
2.	«Ramblin' Man»	Dickey Betts	Personell: Dickey Betts – sologitar, solovokal Les Dudek – sologitar Gregg Allman – orgel, korvokal Chuck Leavell – piano, korvokal Berry Oakley – bass Butch Trucks – trommer, perkusjon Jaimoe – trommer, conga	4:48
3.	«Come and Go Blues»	Allman	Personell: Dickey Betts – sologitar Gregg Allman – orgel, solovokal Chuck Leavell – elektrisk og akustisk piano Lamar Williams – bass Butch Trucks – trommer, conga, perkusjon Jaimoe – trommer	4:54
4.	«Jelly Jelly»	Allman	Personell: Dickey Betts – sologitar Gregg Allman – orgel, solovokal Chuck Leavell – piano Lamar Williams – bass Butch Trucks – trommer, conga, perkusjon Jaimoe – trommer	5:46

Side to

Nr.	Tittel	Låtskrivar(ar)	Personell	Lengd
5.	«Southbound»	Betts	Personell: Dickey Betts – sologitar Gregg Allman – orgel, solovokal Chuck Leavell – piano Lamar Williams – bass Butch Trucks – trommer, perkusjon Jaimoe – trommer	5:11
6.	«Jessica»	Betts	Personell: Dickey Betts – sologitar Les Dudek – akustisk gitar Gregg Allman – orgel Chuck Leavell – elektrisk og akustisk piano Lamar Williams – bass Butch Trucks – trommer, paukar, perkusjon Jaimoe – trommer, conga	7:31
7.	«Pony Boy»	Betts	Personell: Dickey Betts – Dobro, solovokal Tommy Talton – akustisk gitar Chuck Leavell – piano Lamar Williams – akustisk bass Butch Trucks – trommer[3]	5:51

Medverkande

All info frå plateosmlaget.^[4]

The Allman Brothers Band Gregg Allman – vokal, orgel, rytmegitar på «Wasted Words», korvokal på «Ramblin' Man» Dickey Betts – sologitar, vokal på «Ramblin' Man» og «Pony Boy», slidegitar på «Wasted Words», dobro på «Pony Boy» Berry Oakley – bassgitar på «Wasted Words» og «Ramblin' Man» Jai Johanny Johanson – trommer, conga på «Ramblin' Man» og «Jessica» Butch Trucks – trommer, perkusjon, paukar på «Jessica», conga på «Come and Go Blues» og «Jelly Jelly» Chuck Leavell – piano, korvokal på «Ramblin' Man», elektrisk piano på «Jessica» og «Come and Go Blues» Lamar Williams – bassgitar

Andre medverkande Les Dudek – sologitar på «Ramblin' Man», akustisk gitar på «Jessica» Tommy Talton - akustisk gitar på «Pony Boy» Produksjon Johnny Sandlin – produent, lydteknikar, remiksing Ovie Sparks – lydteknikar, remiks Buddy Thornton – lydteknikar George Marino – lydmastering Judi Reeve – grafisk innhald Dan Hudson jr. – fotografi Bo Meriwether – fotografi Barry Feinstein – layout, design Vicki Hodgett – layout, design

Salslister

Vekeslister Liste (1973) Plassering Nederlandske album (MegaCharts)[5] 10 Billboard Top LP's & Tape 1 Liste (2013) Plassering Tyske album (Media Control)[6] 52

Salstrofé Region Salstrofé Salstal USA (RIAA)[7] Platina 1 000 000^ *salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine

Kjelder

• Denne artikkelen bygger på «Brothers and Sisters (album)» frå Wikipedia på engelsk, den 9. september 2018.
  • Wikipedia på engelsk oppgav desse kjeldene:
• Paul, Alan (2014). One Way Out: The Inside History of the Allman Brothers Band. St. Martin's Press. ISBN 978-1-250-04049-7.
• Freeman, Scott (1996). Midnight Riders: The Story of the Allman Brothers Band. Little, Brown and Company. ISBN 978-0-316-29452-2.
• Poe, Randy (2008). Skydog: The Duane Allman Story. Backbeat Books. ISBN 978-0-87930-939-8.
• Allman, Gregg; Light, Alan (2012). My Cross to Bear. William Morrow. ISBN 978-0-06-211203-3.

1. Bruce Eder. «Review: Brothers and Sisters». Allmusic. Henta 9. september 2018.
2. Christgau, Robert (November 1973). «The Christgau Consumer Guide». Creem. Henta 9. september 2018.
3. «The Allman Brothers Band – Brothers And Sisters». Discogs. Henta 9. september 2018.
4. Brothers and Sisters (liner notes)|format= requires |url= (hjelp). The Allman Brothers Band. US: Capricorn. 1973. CP 0111.
5. "Allman Brothers – Brothers and Sisters". Dutchcharts.nl. Hung Medien. Henta 30. juli 2013.
6. "Longplay-Chartverfolgung at Musicline". Musicline.de. Media Control. Henta 30. juli 2013.
7. «American album salstrofé – Allman Brothers – Brothers and Sisters». Recording Industry Association of America. If necessary, click Advanced, then click Format, then select Album, then click SEARCH