Billy Mundi
From Wikipedia, the free encyclopedia
Billy Mundi (fødd 25. september 1942 som Antonio Salas i San Francisco) er ein amerikansk trommeslagar best kjend som medlem i The Mothers of Invention og Rhinoceros. Han har òg arbeidd som studiomusikar. Han nytta stundom namnet Tony Schnasse.
| Billy Mundi | |||
| Fødd | 25. september 1942 | ||
|---|---|---|---|
| Fødestad | San Francisco | ||
| Død | 29. mars 2014 (71 år) | ||
| Fødenamn | Antonio Salas | ||
| Alias | Tony Schnasse | ||
| Opphav | USA | ||
| Instrument | trommesett | ||
| Verka som | trommeslagar, studiomusiker | ||
Mundi var tidlegare medlem av Hells Angels og musikkarrieren hans starta seint i 1950-åra, då han studerte musikk ved UCLA. Etter studiane arbeidde Mundi tre månader som paukespelar i Los Angeles Philharmonic før han byrja som studiomusikar og medlem av ei rekkje lokale band.[1] Tidleg i 1960-åra spelte han i gruppa til Skip Battin, Skip and The Flips, og arbeidde som studiomusikar på mellom andre debutalbumet til Tim Buckley. Mundi var ei kort stund medlem av The Lamp of Childhood i 1966.[2]
I 1966 vart han med i The Mothers of Invention under innspelinga av Freak Out!, og spelte seinare trommer på fleire Mothers-album. Han er òg med i filmen Uncle Meat. Han vart lokka bort frå the Mothers av Jac Holzman i Elektra Records for å danne supergruppa Rhinoceros. I følgje Frank Zappa «gav Holzman Billy Mundi ein haug med pengar, ein stad å bu, heile pakken - me skal gjere deg til ei stjerne, du skal få arbeide med desse flinke musikarane i staden for desse komikarane...Men eg klandrar ikkje Billy for at han tok jobben, for på den tida var me så fattige at han budde på Albert Hotel og hadde ikkje råd til mat - han brukte å komme inn og fortelje oss at han hadde dempa svolten ved å drikke varmt vatn i dusjen...».[3]
Kring 1970 flytta Mundi til Woodstock i New York, der han arbeidde med Geoff Muldaur og Maria Muldaur og som studiomusikar. Han budde i mange år i California fram til han døydde.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
