Big Beat av Sparks

Big Beat er det sjette studioalbumet til det amerikanske rockebandet Sparks, gjeve ut i 1976.

Big Beat Studioalbum av Sparks
Språk	engelsk
Utgjeve	1976
Innspelt	August 1976
Studio	Mediasound, New York City
Sjanger	Glamrock[1] rock[2] hardrock[1]
Lengd	35:30
Selskap	Columbia (USA), Island (Storbritannia)
Produsent	Rupert Holmes Jeffrey Lesser for Widescreen Productions
Sparks-kronologi
Indiscreet (1975)	Big Beat	Introducing Sparks (1977)
Singlar frå Big Beat
«Big Boy» med «Fill-er-up» Utgjeve: October 1976 «I Like Girls» med «England» Utgjeve: December 1976

Meldingar
Karakter
Kjelde	Karakter
AllMusic	[2]
Classic Rock	[3]

Historie

Big Beat vart spelt inn i Mediasound Studios i New York City i august 1976. Det var det første albumet deira etter at dei løyste opp det engelske bandet sitt og vende attende til Amerika. I staden brukte Mael-brørne studiomusikarar og henta inn den tidlegare Milk 'N' Cookies-bassisten og Roxy Music-musikaren (Viva!), Sal Maida på bass, Tuff Darts-gitaristen Jeffrey Salen og Hilly Boy Michaels på trommer. Utgjevinga var den første dei gav ut på Columbia Records i USA. Albumet bestod av ein mykje tyngre og hardare rockestil enn dei tidlegare albuma deira. I starten hadde Mael-brørne gått attende til å spele med det tidlegare Sparks-medlemmet Earle Mankey. I lag spelte dei inn songen «England», ein song som hadde mykje til felles med den lystige heimelaga og uvanlege stilen dei hadde hatt då dei tre arbeidde i lag tidlegare i 1970-åra. På den andre sida var produksjonen til Rupert Holmes og Jeffrey Lesser glattare og meir direkte og det gjorde at albumet fekk ein meir «amerikansk» AOR-stil. Denne nye «Vestkyst»-stilen vart rekna som mislykka, sidan Sparks følte resultatet var «heilt utan personlegdom».^[4]

Det siste sporet på albumet var ei nyinnspeling av «I Like Girls». Songen hadde vore ein konsertfavoritt i tida før 1974. Dei hadde spelt inn versjonar av songen i 1973 og 1974, men dei var ikkje nøgde med dei to opptaka.^[5] 1973-opptaket av «I Like Girls» vart seinare gjeve ut i 1991 på Rhino Entertainment-samlinga Profile: The Ultimate Sparks Collection.

Den første singelen, «Big Boy», og B-sida «Fill-er-up», vart framførte i ei cameo-framferd i katastrofefilmen Rollercoaster i 1976, etter at Kiss hadde avslått tilbodet om rolla.^[6]

Utgjeving

Big Beat vart ikkje ein stor suksess og gjorde det langt dårlegare enn dei førre tre albuma deira. Det gjekk ikkje inn på albumlista verken i Storbritannia eller i USA.

«Big Boy» og «I Like Girls» vart gjevne ut på singel, men ingen av dei selde særleg eller vart spelte på radio.

Nyutgjeving

Big Beat vart gjeve ut på ny på Island i 1994 og ommastra i 2006. Den første utgåva på Island Masters inkluderte bonusspora «Tearing The Place Apart» og Russell Mael sin «Gone with the Wind», som begge vart spelte inn under innspelinga for Indiscreet, men som ikkje kom ut før samleplata «The Best of Sparks» i 1978. '21st Century Edition' hadde i tillegg singelen «I Want to Hold Your Hand», B-sida «England», og to songar som ikkje tidlegare var gjevne ut: «Looks Aren't Everything» og «Intrusion/Confusion». Sistnemnde var ei tidleg utgåve av «Confusion». Den ommastra utgåva har generelt ein langt betre lyd enn CD-utgåvene frå 1994 og 1988, men har ved eit uhell forlenga sporet «Throw Her Away (And Get A New One)» med kring tjue sekund stille, i staden for den tiltenkte uttoninga som er på alle dei andre utgåvene.

Innhald

Alle songar er skrivne av Ron Mael except as indicated.

Side ein

Nr.	Tittel	Lengd
1.	«Big Boy»	3:30
2.	«I Want to Be Like Everybody Else»	2:57
3.	«Nothing to Do»	3:09
4.	«I Bought the Mississippi River»	2:29
5.	«Fill-er-up»	2:20
6.	«Everybody's Stupid»	3:41

Side to

Nr.	Tittel	Lengd
7.	«Throw Her Away (And Get a New One)»	3:15
8.	«Confusion»	3:27
9.	«Screwed Up»	4:20
10.	«White Women»	3:24
11.	«I Like Girls»	2:58

Bonusspor på Island Masters (1994)

Nr.	Tittel	Låtskrivar(ar)	Lengd
12.	«Tearing the Place Apart»		3:38
13.	«Gone with the Wind»	Russell Mael	3:07

Bonusspor på 21st Century Edition (2006)

Nr.	Tittel	Låtskrivar(ar)	Lengd
12.	«I Want to Hold Your Hand»	John Lennon og Paul McCartney	2:56
13.	«England»		3:18
14.	«Gone with the Wind»	Russell Mael	3:07
15.	«Intrusion/Confusion»		2:47
16.	«Looks Aren't Everything»		3:28
17.	«Tearing the Place Apart»		3:38

Medverkande

• Russell Mael - Vokal
• Ron Mael - Klaverinstrument
• Sal Maida - Bass
• Jeffrey Salen - Gitar
• Hilly Boy Michaels - Trommer

Teknisk

• Rupert Holmes - produsent
• Jeffrey Lesser (for Widescreen Productions) - produsent
• Godfrey Diamond - lydteknikar, miksing
• Bob Clearmountain - ekstra lydteknikar
• Harvey Goldberg - ekstra lydteknikar
• Michael Barbiero - ekstra lydteknikar
• Richard Avedon - fotografi

Kjelder

• Denne artikkelen bygger på «Big Beat (album)» frå Wikipedia på engelsk, den 24. april 2022.
  • Wikipedia på engelsk oppgav desse kjeldene:

1. «'We have a hostility to being boring': Sparks, still flying in their 70s». 16. juli 2021.
2. James A. Gardner. «Big Beat - Sparks | Songs, Reviews, Credits, Awards». AllMusic. Henta 21. april 2022.
3. Makowski, Peter (December 2006). «Still able to start a fire: Sparks Reissues». Classic Rock: 101.
4. Easlea, Daryl (July 2003). «Sparks Interview». Record Collector Magazine Issue 287.
5. «Russell Mael: «The song was written at the time of the original L.A. band. On returning to America, after our 1972 European tour, we jetted to Bearsville studios in upstate New York (Woodstock) to record the stage favourite »I Like Girls«. Nick James produced the song but it didn't come as well as expected». Graphikdesigns.free.fr. Henta 21. april 2022.
6. Black, Johnny (September 2006). «Sparks Interview». Mojo Magazine Issue 154.

Bakgrunnsstoff

• Sparks - The «Big Beat» album files