Arenarock

Arenarock (òg kalla album-orientert rock [AOR], anthemrock, bedriftsrock, papparock, melodisk rock, pomp-rock og stadionrock^[1] er ein type rock som oppstod i midten av 1970-åra. Då hardrockband og dei som spelte ein lettare, men likevel skingrande type poprock vart stadig meir populære, byrja grupper å skape songar meint for store publikum, og arenarocken utvikla seg ved å bruke ein meir kommersiell og radiovenleg stil. Musikken var ofte kraftig produsert, med ofte livlege, dramatiske songar og langsame powerballadar, med sterk vekt på melodi og ofte allsongvenlege refreng. Andre kjennetiekn var bruken av gitareffektar og klaverinstrument.^[2][3][4][5]

Arenarock
Queen i Drammen i april 1982 syner det spektakulære i ein arenarockkonsert.
Stilmessig opphav	Hardrock poprock heavy metal
Kulturelt opphav	1960-åra til midten av 1970-åra
Typiske instrument	Vokal gitar bass trommer klaverinstrument
Andre emne
Progressiv rock glamrock power pop glam metal

Mange av merkelappane nemnde over er brukt nedsettande,^[3][6][5] og diskusjonane til kritikarane går ofte inn på spørsmål om musikarane fokuserer for mykje på show-delen og masseappellen enn den kunstnarisk kvaliteten, særskild med tanke på skilnadane mellom dei store lyttarmassane versus andre lyttarar.^[3][6] Interessa i arenarock er stereotypisk rekna som noko kvite menn i arbeidarklassen og middelklassen i Canada og USA høyrer på,^[3][4] som er blitt sitert som grunnlag for nedlatande fordomar over sosial status av somme kritikarar.^[3] Musikkstilen er derimot populær verda over, særleg i samband med store turnear.^[2][3][4]