Arawakspråk

Arawak, også kalla maipuran, er ein språkfamilie i Sør-Amerika og Karibia. Opphavleg var arawak namnet på ei mektig folkegruppe som levde i Guyana og Surinam. Desse folka blei allierte med spanjolane fordi dei tradisjonelt var fiendar til karibfolk som var i krig med spanjolane. Arawakspråk var utbreidde over heile Karibia på 1200-talet, men seinare kom karibindianarar frå Venezuela og etablerte seg på dei mindre vestindiske øyane. I tida då spanjolane kom til Amerika var arawakfolk utbreidde i austre delar av Andes i Peru og Bolivia, gjennom Amazonasbassenget i Brasil, nord gjennom Guyana, Surinam og Venezuela og sør til Paraguay.

Arawak
Klassifisering:	Makro-arawakisk ?
Vidare inndeling:	Nordleg Sørleg
Område:	Finst i heile Sør-Amerika (bortsett frå i Ecuador, Uruguay og Chile) til Sentral-Amerika og Karibia
Glottolog:	araw1281
ISO 639-5:	awd
Maipureanske språk i Sør-Amerika (Karibia og Sentral-Amerika er ikkje inkludert): Nord-maipuran (klar blå) og sør-maipuran (mørkeblå). Prikkar viser nolevande språk, medan skugga område viser tidlegare trulege utbreiingsområde.

Taíno, eit språk i familien, blei brukt på Cuba, Hispaniola, Puerto Rico, Jamaica og Bahamas med er truleg ikkje i bruk i dag. Arawakspråk vert nytta i Surinam i dag.

Liste over arawakspråk

Språkfamilien blei klassifisert sist på 1800-talet. ISO-koden er 639-2 arn. Den interne struktureringa av familien er omstridd.

• Maipuran-språk (60 språk)
  • Nordleg maipuran
    • Palikur (1 språk, ca. 1200 brukarar)
    • Wapishanakaribiske språk (inkluderer ta-arawak. 7 språk; wayuu [goajiro] ca. 300 000 brukarar, garífuna [svartkariber] ca. 100 000 brukarar)
    • Innland (15 språk; baniwa har 3-4 000 brukarar, piapoco ca. 3 000)
  • Sørleg maipuran
    • Campa-språk (10 språk; asháninca eller ekte campa har 15-18 000 brukarar, ashéninca 18-25 000)
    • Sentral (6 språk; piro har ca. 300 brukarar)
    • Vestleg Amuesha, chamikuro; yanesha har 6-8 000 brukarar)
    • Sørleg Purus-Parana (10 språk, inkl. qapurinã, moxo, terêna; terêna har 10 000 brukarar)

I tillegg finst 9 ikkje-klassifiserte arawakspråk.

Kjelder

• Denne artikkelen bygger på «Arawakan languages» frå Wikipedia på engelsk, den 11. oktober 2005.

Bakgrunnsstoff

• Ein artikkel på latrobe.edu.au