From Wikipedia, the free encyclopedia
Anton Graff (18. november 1736–22. juni 1813) var ein sveitsisk portrettmålar, ein av dei fremste på 1700-talet. Han er kjend for å måla mange av personlegdomane i samtida. Sonen Karl Anton Graff var landskapsmålar.
| Anton Graff | |
 Sjølvportrett, 1805/06 | |
| Statsborgarskap | Sveits, Kongeriket Sachsen, Kurfyrstedømet Sachsen |
| Fødd | 18. november 1736 Winterthur |
| Død |
22. juni 1813 (76 år) |
| Yrke | kunstmålar, universitetslærar, biletkunstnar |
| Sjanger | portrettmåleri |
| Ektefelle | Elisabetha Sophie Augusta Graff |
| Born | Carl Anton Graff |
| Anton Graff på Commons | |
Graff var fødd i Winterthur i Sveits. Etter ei læretid hos Ulrich Schellenberg i fødebyen, budde han ei rekke år i Augsburg, der han ernærte seg som portrettmålar. Frå 1766 budde han i Dresden, der han som akademiprofessor og hoffmålar laga mange bilete med historiske og allegoriske motiv, måla i tidas smak. Også her måla han mange portrett.
Graff hadde ei stor stjerne i samtida. Portretta hans er fulle av liv og karakter, og er elles prega av ein frisk og kraftig koloritt. Best lukkast han med mannlege portrett. Graff var svært produktiv. Han portretterte dei fleste av dei mest framståande personane i samtida. Mellom desse finn ein Lessing i 1771, Johann Gottfried Herder, Moses Mendelssohn, Friedrich Schiller i 1785, Fredrik II av Preussen og Christoph Willibald Gluck. Hans siste arbeid, i 1811, var eit sjølvportrett. Han raderte også enkelte blad, og laga ein del teikningar med sølvstift.
Graff er rikt representert i det tyske nasjonalgalleriet i Berlin, i Dresden og Leipzig.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
