Alfred

Alfred er eit mannsnamn som kjem frå gammalengelsk, sett saman av ælf, 'alf, alv' og ræd, 'råd'. Alfred har namnedag i Noreg og Sverige den 3. januar.

Kong Alfred den store av England i eit glasmåleri i Bristol Cathedral.

Foto: Charles Eamer Kempe

Bruken av namnet i Noreg

Namnet var vanleg i Noreg ved førre hundreårsskifte, bruken har sidan gått jamt attende, med ei botnnotering rundt 1980.

I folketeljinga i 1801 var ingen menn manntalsføre med dette namnet, men ei kvinne heitte Alfrid.

I teljinga frå 1900 var det 9 974 personar som hadde namnet, i formene Alfred, Alfreid, Alfrid, Alfried eller Alfryd. Alfryd var òg bruka som kvinnenamn.

I 2007 var det 1 600 som har Alfred til første fornamn.

Kjende namneberarar

• kong Alfred av England (849–899)
• Alfred Nobel (1833–1896), svensk oppfinnar og innstiftar av Nobelprisen
• Alfred Hermann Fried (1864-1921), austerriksk fredsprisvinnar
• Alfred Eriksen (1864–1934), norsk prest og politikar
• Alfred Hitchcock (1899–1980), britisk-amerikansk filmskapar
• Alfred Hauge (1915–1986), norsk forfattar

Andre kjelder

• Olav Veka: Namneboka (Det Norske Samlaget, 1991) ISBN 82-521-3604-4

Bakgrunnsstoff

• Søk etter norsk namnestatistikk for Alfred hjå Statistisk Sentralbyrå
• Folketeljingar i Digitalarkivet