Adamit

Adamit (אֲדָמִית) er ein kibbutz nord i Israel. Han ligg vest i Galilea i Israel nær grensa til Libanon, og høyrer til Mateh Asher regionale kommune. I 2012 hadde han eit folketal på 110.^[1]

Adamit
landsby
Land	Israel
Region	Vest-Galilea
Distrikt	Nord distrikt
Kommune	Mateh Asher
Koordinatar	33°4′42.27″N 35°12′39.59″E
Folketal	110  (2012)[1]
Grunnlagd	August 1958
•  Grunnlagd av	Hashomer Hatzair-medlemmar
Tilhøyrsle	Kibbutz-rørsla
Adamit 33.078408333333°N 35.210997222222°E / 33.078408333333; 35.210997222222
Kart som viser Adamit. Kart som viser Adamit.
Wikimedia Commons: Adamit

Historie

Kibbutzen Adamit vart grunnlagd i august 1958 av medlemmar frå Hashomer Hatzair, og vart kalla opp etter ein by frå tida kring Det andre tempelet, som låg i dette området.^[2] Kibbutzen vart grunnlagd på landområdet til den avfolka palestinske landsbyen Khirbat Iribbin, som låg vest for landsbyen.^[3] I 1967 vart kibbutzen fråflytta, og berre Nahal-grupper var att.^{[treng kjelde]} I 1971 vart kibbutzen busett på ny av immigrantar frå England, USA og Canada, etter eitt år med opplæring i kibbutzen Mishmar HaEmek. I 1980-åra leid kibbutzen av økonomiske problem og kom under bustyrarskap. Sidan 1990-åra vart det bygd eit nytt nabolag i åssida over landsbyen.^[4]

Geografi og klima

Kibbutzen ligg på ein ås med flott utsyn over Galilea. På eine sida ligg Nahal Betzet naturreservat, og i nord Nahal Namer. Regionen får normalt 750 millimeter nedbør i året, som er relativt høgt for Israel.^[4]