Aagot Noss

Aagot Noss (fødd 9. oktober 1924 i Ål i Hallingdal, død 5. april 2015)^[1] var ein norsk tradisjonsforskar og museumskonservator.

Aagot Noss
Statsborgarskap	Noreg
Fødd	9. oktober 1924 Ål
Død	5. april 2015 (90 år) Oslo kommune
Yrke	etnolog
Språk	norsk

Aagot Noss byrja i 1956 å arbeide ved drakt- og tekstilavdelinga på Norsk Folkemuseum, og byrja då å kartleggje fakta om norske drakttradisjonar. Dette førte til ein god del reising landet rundt for å hente inn informasjon frå folk som var kjende med eldre klestradisjonar. Ho var ei tid i Valle og Bykle i Setesdal for å dokumentere ein klestradisjon som hadde vore ubroten frå mellomalderen fram til moderne tid. Frå 1972 arbeidde Aagot Noss som førstekonservator i Norsk Folkemuseum. Ho gjekk av med pensjon i 1994.

Bibliografi

Aagot Noss har gjennom alle åra ho har vore knytt til Norsk Folkemuseum skrive fleire artiklar i årboka til institusjonen, By og Bygd. Nokre av desse har sidan vorte trykt opp som særtrykk. Dessutan har ho skrive eller vore med på å skrive ei rekkje utstillingskatalogar. Ho står òg bak fleire filmar som Norsk Folkemuseum har produsert.

• Publikasjonar av Aagot Noss i BIBSYS
• 2008 Stakkeklede i Setesdal - Byklaren og valldølen ISBN 978-82-7099-477-9
• 2005 Jølster og den gamle klesskikken ISBN 978-82-7099-420-5
• 2004 Nordmandsdalen og draktene i Norgesbilleder - dansk-norske forbindelser 1700-1905 ISBN 87-12-04117-3
• 2003 Frå tradisjonell klesskikk til bunad i Vest-Telemark ISBN 82-7099-367-0
• 2002 Sigdal museum - folkedrakter i malerkunsten - 26. mai-15. september ISBN 82-996290-0-4
• 1999 Klesskikk i Tinn i Telemark - frå tinndølklede til tinnbunad : kvinneklede ISBN 82-7099-313-1
• 1996 Krone og skaut : jente-, brure- og konehovudbunader i Hordaland ISBN 82-03-22154-8
• 1994 Folk og klede - skikk og bruk - festskrift til Aagot Noss ISBN 82-90036-47-7
• 1992 Nærbilete av ein draktskikk : frå dåsaklede til bunad ISBN 82-00-21543-1
• 1991 Sylvsmeden Eivind G. Tveiten ISBN 82-90036-33-7
• 1991 Lad og krone - frå jente til brur ISBN 82-00-21354-4
• 1990 Norwegian immigrant clothing and textiles
• 1986 Folkedrakter i Noreg i andre halvdel av det 19. hundreåret - frå norske folkedrakter til amerikanske klede ISBN 82-90036-24-8
• 1981 Adolph Tidemand og folk han møtte - studiar frå reisene i norske dalføre - akvareller, målarstykke og teikningar
• 1979 Laging av kvinne- og mannsbunader i Setesdal ISBN 82-90036-14-0
• 1977 Eit mellomalderplagg i levande tradisjon ISBN 82-90036-08-6
• 1976 Bandlaging ISBN 82-90036-02-7
• 1974 Draktfunn og drakttradisjon i det vestnordiske området frå vikingtid til høgmellomalderen
• 1973 Joachim Frichs draktakvarellar ISBN 82-521-0193-3
• 1970 Johannes Flintoes draktakvarellar
• 1963 Høgtider og samkomer

Prisar

Aagot Noss har motteke fleire prisar for det omfattande arbeidet sitt, mellom anna Kongens fortenestemedalje i gull i 1994. Ho vart i 2002 utnemnd til riddar av 1. klasse av Den Kongelige Norske St. Olavs Orden.

• 1986 «Kungliga Gustav Adolfs Akademiens pris» for grundläggande forskningar rörande folkdräktens historia i Norge.
• 1994 Kongens fortenestmedalje i gull
• 1994 Buskerud fylkes kulturpris
• 2002 Riddar av 1. klasse av Den Kongelige Norske Sankt Olavs Orden
• 2005 Æresmedlem av Norsk Folkemuseum
• 2009 Sørlandets Kompetansefonds populærvitenskapelige pris for boka Stakkekelde i Setesdal - Byklaren og valldølen.
  Prisen var på 20.000 kroner og eit kunstfotografi av Olav Breen.

Kjelder

1. Aftenposten, papirutgåva 9. april 2015, nekrolog side 46

• «Aagot Noss» i Allkunne, innhenta 9. august 2010.