Åsmund Larsson Grave (18. mai 1818–5. februar 1877) var ein norsk kontorist, gardbrukar, lensmann og stortingsmann frå Høydalsmo i Telemark.
| Åsmund Larsson Grave | |||
| Fødd | 18. mai 1818 | ||
|---|---|---|---|
| Død | 5. februar 1877 (58 år) | ||
| Statsborgar av | Noreg | ||
| Yrke | politikar | ||
| Alle verv |
| ||
Grave var son til ein gardbrukar på Espetveit i Høydalsmo. Han var i teneste hos futen på Kviteseid, der han etter kvart vart kontorist og fullmektig. Så gifta han seg til garden Midbøen i Seljord, sidan var han gardbrukar på Grave i Seljord. Frå 1851 var han lensmann i Seljord. Han dreiv mykje med handel av gardar, og skal ha vore den rikaste mannen i Øvre Telemark.
Grave var medlem av heradsstyret i Seljord frå 1844, ordførar 1845 og 1849-51. Han var forlikskommissær frå 1850. Grave var mellom stiftarane av Seljord Sparebank, og var direktør i same i årevis.
Åsmund Grave var valmann i tretti år, 1847-76. Han vart vald til stortingsmann 1851-66. På Stortinget var han sekretær i budsjettkomiteen 1851-57 og 1859-63, visesekretær i Stortinget 1857-64, sekretær i Odelstinget 1859-66. Dessutan var han 1858 medlem av tollkomiteen, 1862-63 av skoglovskomiteen, 1865-66 av budsjettkomiteen. I 1862 var han med i deputasjonen som Stortinget sende til opninga av jarnbanen mellom Stockholm og Göteborg.
Han døydde på garden sin i Seljord i 1877.
- Lindstøl, Tallak: Stortinget og Statsraadet 1814-1914. Kristiania, 1914
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
