VM i fotball for kvinner 2023
From Wikipedia, the free encyclopedia
VM i fotball for kvinner 2023 var det 9. offisielle verdsmeisterskapen i fotball for kvinner, og vart arrangert i Australia og New Zealand frå 20. juli og 20. august 2023.[1] FIFA, som arrangerer meisterskapen, valde stillehavslanda som arrangør framfor Colombia, som var einaste offisielle motkandidat.[2] Det var den fyrste gongen ein verdsmeisterskap i fotball vart arrangert i to land som er medlem av forskjellige kontinentalforbund. Det var også den fyrste seniormeisterskapen i fotball på verdsbasis som vart arrangert av eit medlem av Oceania Football Confederation. Men både Australia og New Zealand har tidlegare arrangert ungdoms-VM for menn, og New Zealand arrangerte U17-VM for kvinner i 2008.
Meisterskapen vart utvida frå 24 til 32 lag, det samme talet som deltok i VM i fotball for menn i åra 1998 til 2022.
Spania vann verdsmeisterskapen for fyrste gong etter å ha slege England 1–0 i finalen.[3][4] Sverige tok bronsen etter å ha slege vertsnasjonen Australia i bronsefinalen.[5][6]