Udmurtisk
From Wikipedia, the free encyclopedia
Udmurtisk, votjakisk, er eit permisk språk i den uralske språkfamilien. Dei næraste slektspråka er dermed komi og komipermjakisk. Skilnaden mellom udmurtisk og dei andre permiske språka er ikkje stor, likevel så stor at dei ikkje utan vidare er forståelege. Ifylgje folketeljinga i 2010 var det 552 000 udmurtar og 324 000 udmurtisktalande i Russland. Tilsvarande tal frå 2002 var 637 000 udmurtar og 464 000 udmurtisktalande, mens det i sovjetisk statistikk frå 1989 var 746 000 udmurtar, av dei hadde 520 000, eller 69,7 %, udmurtisk som morsmål. Dei fleste av dei lever i Udmurtia, nokre av dei bur i Basjkortostan, i Tatarstan og i Kirov og Perm oblastar. Udmurtisk har tre hovuddialektar, nord-, midt- og sørudmurtisk.
- For andre tydingar av oppslagsordet, sjå Udmurtisk (fleirtyding).
Kjappe fakta
Udmurtisk удмурт кыл (udmurt kyl) | ||
Klassifisering | Uralsk permisk | |
Talarar | udmurtar | |
Bruk | ||
Tala i | Russland | |
Område | Udmurtia | |
Udmurtisktalande i alt | 324 000 (2010)[1] | |
Rangering | Ikkje topp-100 | |
Skriftsystem | det kyrilliske alfabetet | |
Språkkodar | ||
ISO 639-2 | udm | |
ISO 639-3 | udm | |
Glottolog | udmu1245 | |
Wikipedia på udmurtisk |
Lukk