Tsjernobylsona

Tsjernobylsona er det offisielle sperreområdet kring atomkraftreaktoren som eksploderte i 1986.^[1] Området vert òg ofte berre kalla Sona.^[1] Sona vart oppretta kort tid etter katastrofen i 1986 av det sovjetiske militæret, først i ein radius på 30 km kring atomkraftverket. Det vart opphavleg sett under militær kontroll.^[2][3] I dag dekkjer sona eit mykje større område og vert styrt av Beredskapsdepartmentet i Ukraina. Sjølve atomkraftverket og sarkofagen som dekkjer den øydelagde reaktoren vert styrt separat.

Tsjernobylsona
ukrainsk Зона відчуження Чорнобильської АЕС
Sperre- og katastrofeområde
Ein av inngangane til Tsjernobylsona
Land	Ukraina
Oblast	Kiev oblast
Rajon	Ivankiv rajon, Poliske rajon, Narodytsji rajon
Grensar til	Kviterussland
Byar	Tsjernobyl
Landemerke	Kopatsji
elv	Pripjat
Koordinatar	51.3°N 30.005°E / 51.3; 30.005
Areal	2 600 km²
Folketal	Nokre få hundre
Grunnlagd	1986
Tsjernobylsona 51.3°N 30.005°E / 51.3; 30.005
Strålingskart over Tsjernobyl frå 1996 Strålingskart over Tsjernobyl frå 1996
Wikimedia Commons: Chernobyl Exclusion Zone
Nettstad: http://www.dazv.gov.ua/en/

Sperreområdet dekkjer eit område på kring 2 600 km²^[4] i Ukraina kring Tsjernobyl atomkraftverk der den radioaktive forureininga frå nedfallet er størst og offentleg tilkomst og busetjing er avgrensa. Sona grensar til Kviterussland i nord.

Føremålet med sperreområdet er å avgrensa tilkomsten til farlege område, redusere spreiinga av radioaktiv forureining og utføre radiologiske og økologiske overvakingar.^[5] I dag er området eit av dei mest radioaktivt forureina områda i verda og trekkjer til seg stor vitskapleg interesse på grunn av dei høge strålingsdosane som er påførte miljøet, og ein aukande grad av turisme.^[6]

Geografisk dekkjer sona dei nordlegaste rajonane (distrikta) i Kiev og Zjytomyr oblast i Ukraina.

Kjelder

• Denne artikkelen bygger på «Chernobyl Exclusion Zone» frå Wikipedia på engelsk, den 7. oktober 2012.
  • Wikipedia på engelsk oppgav desse kjeldene:

1. Petryna, Adriana (2002). Life Exposed: Biological Citizens after Chernobyl. New Jersey: Princeton University Press. ISBN 978-0-691-09019-1.
2. Marples, David R. (1988). The Social Impact of the Chernobyl Disaster. New York: St. Martin's Press. ISBN 0-312-02432-0.
3. Mould, R. F. (2000). Chernobyl Record: The Definitive History of the Chernobyl Catastrophe. Bristol, UK: Institute of Physics Publishing. ISBN 0-7503-0670-X.
4. Bondarkov, Mikhail D.; Oskolkov, Boris Ya.; Gaschak, Sergey P.; Kireev, Sergey I.; Maksimenko, Andrey M.; Proskura, Nikolai I.; Jannik, G. Timothy (2011). Environmental Radiation Monitoring in the Chernobyl Exclusion Zone - History and Results 25 Years After. US: Savannah River National Laboratory / Savannah River Nuclear Solutions.
5. «Decree of the President of Ukraine № 393/2011 On approval of the State Agency of Ukraine of the Exclusion Zone». 6. april 2011. Henta 23. april 2012.
6. «Postcard from hell». The Guardian. 18 October 2004. Henta 25 April 2012.