![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/67/Ardeotis_kori_-Etosha_National_Park-8.jpg/640px-Ardeotis_kori_-Etosha_National_Park-8.jpg&w=640&q=50)
Trappar
From Wikipedia, the free encyclopedia
Trappar er store bakkelevande fuglar med leveområde på tørt og opent steppeland i «den gamle verda» og Australia. Gruppa samlar 26 artar i 9 slekter og utgjer den biologiske familien Otididae i sin eigen orden Otidiformes.
Trappar | |
![]() Koritrappe Ardeotis kori Foto: Fiver Löcker | |
Systematikk | |
Rike: | Dyr Animalia |
Rekkje: | Ryggstrengdyr Chordata |
Underrekkje: | Virveldyr Vertebrata |
Klasse: | Fuglar Aves |
Underklasse: | Neognathae |
Overorden: | Neoaves |
Orden: | Otidiformes |
Familie: | Trappar Otididae Rafinesque, 1815 |
Trappar er altetande og hekkar på bakken. Dei går på kraftige bein med store tær, undervegs hakkar dei føde frå bakken. Dei har lange, breie venger og syner sprikande handsvingfjør og kjennelege mønstre under flyginga. Mange har interessante oppvisingar under paringsleiken, som oppblåste strupesekkar og oppreiste fjørtoppar. Hofuglane legg tre til fem mørke, spraglete egg i ei senking i bakken, og rugar dei aleine.
Utanom hekkesesongen er trappar sosiale og lever i flokkar. Dei er vare og vanskelege å nærme seg i dei opne habitat dei føretrekk.
![Thumb image](http://upload.wikimedia.org/wikipedia/commons/thumb/0/0c/Eupodotis_rueppellii.jpg/640px-Eupodotis_rueppellii.jpg)
Dei fleste artane har ein minkande bestand eller er utryddingstrua på grunn av jakt og tap av habitat, sjølv om dei offisielt er verna. Stortrappe blei utrydda i Storbritannia på 1830-talet. Ein freistar no å gjeninnføre arten i landet.[1]