Tore André Dahlum
From Wikipedia, the free encyclopedia
Tore André Dahlum (fødd 21. juni 1968) er ein tidlegare fotballspelar frå Kristiansand som er mest kjend for sine tre periodar i IK Start (1987-91, 1994-96, 2001) og to periodar i Rosenborg (1992-93 og 1997-99). Med Rosenborg vann han fem seriegull og to cupmeisterskap.
Tore André Dahlum | |
Statsborgarskap | Noreg |
Fødd | 21. juni 1968 (56 år) Kristiansand kommune |
Idrett | fotball |
Utmerkingar | Kniksenprisen for årets angrepsspiller |
I yngre år var Dahlum Vigør-spelar. Han debuterte på Start i 1988, men fekk sitt gjennombrot i 1990-sesongen då han vart toppskårar i 1. divisjon med 20 mål. Same året fekk han sin landslagsdebut, fram til 1999 spelte han 15 landskampar og skåra 6 mål. Høgdepunktet i landslagstrøya kom i 1991, då han gav Noreg leiinga i EM-kvalfiseringskampen mot Italia, ein kamp som enda med norsk siger 2-1.
Vinteren 1992 vart Dahlum overført til Rosenborg, der han hadde ein god fyrstesesong. Mellom anna skåra han eit flott volleymål i cupfinalen, som Rosenborg vann 3-2 over Lillestrøm SK. I sin andre sesong med RBK fekk han lite speletid, og returnerte til Start framfor 1994-sesongen
Hausten/vinteren 1996/97 var Dahlum ei kort tid i den greske klubben Skoda Xanthi. Våren 1997 byrja han på si andre Rosenborg-periode. Frå hausten 1999 til hausten spelte han etter tur for belgiske Gent, danske Aalborg, samt Start.