Gent (fransk Gand) er ein bykommune i den belgiske provinsen Aust-Flandern.
Gent | |
---|---|
![]() | |
Styresmakter | |
Land Provins |
Belgia Aust-Flandern |
Grunnlagd | rundt 650 |
Geografi | |
Flatevidd | 157,77 km² |
Flatevidd - By |
151,18 km² |
Innbyggjarar - By (2021) - folketettleik |
263 703 1 493/km² |
Koordinatar | 51°03′N 03°43′E |
Diverse anna | |
Postnummer | 9000-9052 |
Telefon-retningsnummer | 09 |
Heimeside: www.gent.be | |
Plassering | |
![]() |
I mellomalderen var Gent den nest største byen i Nord-Europa etter Paris på grunn av sin store tekstilproduksjon.
Økonomi
Hamna i Gent, nord i byen, er den tredje største i Belgia. Hamna er tilknytt havet gjennom Gent-Terneuzen-kanalen.
Universitetet i Gent og mange forskingsorienterte selskap held til i sentrum og sør i byen. Som den største byen i Aust-Flandern har Gent òg mange sjukehus, skular og kjøpesenter.
Turisme
Turismen er sterkt aukande og sysselset stadig fleire.
Arkitektur
Mykje av mellomalderarkitekturen i byen er intakt og er svært godt vedlikehalden. Sentrum er det største bilfrie byområdet i Belgia. Interessante stader er St. Bavo-katedralen, klokketårnet, Gravensteenslottet og den utmerka arkitekturen langs den gamle hamna Graslei. Gent har ivaretatt ein fin blanding av notid og historie og er ikkje ein død museumsby. Byen inneheld òg eit vakkert operahus og fleire teater.
Restaurantar
Som dei fleste belgiske byar har Gent eit rikt nasjonalt og internasjonalt serveringstilbod. Spesielt det hyggelege småhusområdet «Patershol» har mange restaurantar. «Sleepstraat» litt lengre nord har mange tyrkiske restaurantar. Byen har elles eit rikt uteliv med mange konsertar.
Festivalar
Gent er vertskap for nokre store festivalar, som den store Gentse Feesten (bokstavleg «Gentfesten»), I Love Techno, Flanders International Film Festival Ghent og Festival van Vlaanderen (Flandernfestivalen).
Museum
Viktige museum i Gent er Museum voor Schone Kunsten (Museum of Fine Arts), med bilete av Hieronymus Bosch, Jean Fouquet og mange flamske kunstnarar; SMAK (Stedelijk Museum voor Actuele Kunst (Bymuseet for Samtidskunst)), med verk frå 1900-talet av m.a. Joseph Beuys og Panamarenko; og Designmuseet. Det er òg eit museum som presenterer Gent sin industrielle styrke, Museum voor Industriële Archeologie en Textiel (MIAT). Her har ein gjenskapt verkstader og butikkar frå 1800-talet og kan sjå vevemaskinane som står igjen i denne bygningen. Gravensteenslottet er òg eit museum som viser slottet si utvikling sidan det vart bygd i 1180. Ein del av slottsmuseet er òg via gamle tourturreiskapar.
Samferdsel
Dei to store store Europavegane E17 og E40 kryssar ved Gent. Byen har òg den tredje største jernbanestasjonen i Belgia. Lokalt er det bussar og trikkar som dominerer kollektivtrafikken. Gent er særs godt tilrettelagt for syklistar. Mange av dei gamle torga er bygd om og har no fleire etasjar med parkeringshus under seg.
Kjende personar frå Gent
- Victor Horta
![Thumb](http://upload.wikimedia.org/wikipedia/commons/thumb/c/ce/Gent.graslei.jpg/640px-Gent.graslei.jpg)
Bakgrunnsstoff
![](http://upload.wikimedia.org/wikipedia/commons/thumb/4/4a/Commons-logo.svg/15px-Commons-logo.svg.png)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.