![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/dc/Tony-Iommi_2009-06-11_Chicago_photoby_Adam-Bielawski.jpg/640px-Tony-Iommi_2009-06-11_Chicago_photoby_Adam-Bielawski.jpg&w=640&q=50)
Tony Iommi
britisk gitarist / From Wikipedia, the free encyclopedia
Anthony Frank «Tony» Iommi[1][2] (fødd 19. februar 1948) er ein engelsk gitarist og låtskrivar, mest kjend for å ha vore med i det banebrytande heavy metal-bandet Black Sabbath frå starten av, og den einaste som har vore med i bandet heile tida.
Tony Iommi | |||
![]() Iommi med Heaven & Hell i juni 2009 | |||
Fødd | . missing required parameter 1=''månad''! 19. februar 1948 (76 år) | ||
---|---|---|---|
Fødestad | Birmingham i England | ||
Fødenamn | Anthony Frank Iommi Jr. | ||
Opphav | Storbritannia | ||
Aktiv | Sidan 1964 | ||
Sjanger |
| ||
Instrument | gitar | ||
Tilknytte artistar |
| ||
Plateselskap |
| ||
Verka som | Gitarist | ||
Born | Toni-Marie Iommi | ||
Prisar | Æresordenen |
Tony Iommi spelar venstrehendt gitar, og mista tidleg i karrieren sin fingertuppane på høgre hand. Men i staden for å leggje bort gitaren fann han på ein måte å lage «kunstige» fingrar. Denne inspirasjonen kom frå jazzgitaristen Django Reinhardt, som trass i handikappet med to forbrende fingrar på «gripe-handa» hadde revolusjonert gitarspelet og opparbeidd seg ein unik teknikk. Med sine mørke og blytunge gitarriff blir Iommi av mange rekna som far til metal-sjangeren. Før han vart medlem i Black Sabbath, var Iommi medlem av ei rekkje lokale bluesrock-band i Birmingham-område og prøvespelte ein gong for Jethro Tull, men dei valde Martin Barre i staden.
Tony Iommi har òg spelt inn fleire soloalbum. Han har òg vore med i Rock Aid Armenia og laga The Earthquake Album. Då Queen-vokalisten Freddie Mercury døydde, vart han invitert til å spele i Freddie Mercury Tribute, der både Metallica, Extreme, Elton John og Guns N’ Roses deltok.
Han er frå 2006, som medlem av Black Sabbath, innvotert i Rock and Roll Hall of Fame. Han vart i 2011 ranka som nummer 86 på «Rolling Stone si liste over dei 100 største gitaristane gjennom tidene».[3]
I januar 2012 vart det kjend at Iommi hadde lymfom.[4]