Thekla Resvoll

Thekla Susanne Ragnhild Resvoll (22. mai 1871–14. juni 1948) var ein norsk botanikar.^[1]

Thekla Resvoll
Statsborgarskap	Noreg
Fødd	22. mai 1871 Vågå kommune
Død	14. juni 1948 (77 år) Oslo
Yrke	biolog, botanikar, økolog, oppdagar, stemmerettsforkjempar
Medlem av	Det Norske Videnskaps-Akademi, Norsk Kvinnesaksforening, Norsk botanisk Bytteforening
Ektefelle	Andreas Holmsen
Thekla Resvoll på Commons

Minnestein over Thekla Resvoll i Kongsvoll fjellhage på Dovre.

Foto: Bjørn Olav Tveit

Etter examen artium i 1892 og hovudfag i 1899 (med Axel Blytt som rettleiar), var ho amanuensis ved Det Kongelige Frederiks Universitet 1902-1936 og tok doktorgrad på avhandlinga Om planter som passer til kold og kort sommer (1917), der ho studerte kor tilpaskingsdyktige fjellplantar er i goldt klima, og påviste issoleia si mangeårige opplagring av energi. Ho oppdaga Aursunds-aster, Aster subintegerrimus ved Røros (1897).

Ho hadde forskaropphold på den indoneiske øya Java, ved den botaniske hagen i Buitenzorg, eit halvt års tid 1923–24.

Resvoll grunnla fjellhagen på Kongsvoll stasjon på Dovrebanen i 1924. Fjellhagen vart seinare flytt til knausane sørfor Kongsvold Fjeldstue ved E6. Ved hagen er det reist ein minnestein over henne i kleberstein frå Sel laga av Per Haugen.^[2][3][4] På Kongsvold Fjeldstue kan ein besøke Nasjonalparkutstillinga, som òg omtalar botanikarane som opp gjennom tidene har besøkt Kongsvoll. Utstillinga er open i sommarmånadene, elles etter avtale med fjellstua.

Ho var syster av botanikaren Hanna Resvoll-Holmsen. I 1895 gifta ho seg med hydrografen og bergmanneb Andreas Holmsen (1869–1955). Han var bror til Gunnar Holmsen, som blei gift Hanna. Desse fire etterlét seg også ei stor fotografisamling som no hovudsakleg høyrer til i Nasjonalbiblioteket i Oslo i bildeavdelinga (Resvoll-Holmsen-samlinga).

Utgjevingar

• Vinter-flora. Vore vildtvoksende løvtrær og buske i vinterdragt, Aschehoug, 1911
• Norske fjellblomster, 1934

Kjelder

1. «Thekla_Susanne_Ragnhild_Resvoll» i Store norske leksikon, snl.no.
2. Eckblad, Finn-Egil (1991). «Thekla Resvoll og Hanna Resvoll-Holmsen, to glemte? Pionerer i norsk botanikk». Blyttia: 3-10.
3. «Biografi med bilder». almamatersdotre.no. Arkivert frå originalen 7. august 2007. Henta 8. januar 2011.
4. Bjørg Eva Aasen. «Thekla Resvoll og fjellhagen på Kongsvoll stasjon». Norsk Jernbanemuseum. Henta 16. februar 2012.

• Eckblad, F.-E. (1991): Thekla Resvoll og Hanna Resvoll-Holmsen, to glemte? Pionerer i norsk botanikk. Blyttia 49: 3-10.
• Inger Nordal og Bredo Berntsen: «Thekla Resvoll» i Norsk Biografisk Leksikon
• almamatersdotre.no: Biografi med bilder Arkivert 2007-08-07 ved Wayback Machine.