Terry Sylvester (fødd 8. januar 1947)[1] er ein engelsk gitarist og songar i som spelte i The Escorts, The Swinging Blue Jeans (1966–69) og The Hollies. I The Hollies erstatta han Graham Nash då han slutta i bandet i desember 1968.
Terry Sylvester | |||
Fødd | 8. januar 1947 (77 år) | ||
---|---|---|---|
Fødestad | Allerton i Liverpool i England | ||
Fødenamn | Terence Sylvester | ||
Opphav | USA, Storbritannia | ||
Aktiv | Sidan 1960-åra | ||
Sjanger | pop, softrock | ||
Instrument | Gitar, vokal | ||
Tilknytte artistar | The Escorts, The Swinging Blue Jeans, The Hollies | ||
Verka som | gitarist, låtskrivar, songar-låtskrivar, songar |
Sylvester voks opp i Allerton i Liverpool. Gruppa han var med å starte, The Escorts, spelte med The Beatles tidleg i 1960-åra.[2] The Escorts gav ut ein versjon av «Dizzy Miss Lizzy» på Fontana Records i 1964.[3]
I 1966 byrja han i The Swinging Blue Jeans, der han erstatta gitaristen og vokalisten Ralph Ellis.[2] Debuten hans med The Hollies kom i januar 1969 då han song på den britiske hitsingelen «Sorry Suzanne» og «He Ain't Heavy, He's My Brother», i tillegg til albuma Hollies Sing Dylan og Hollies Sing Hollies (begge i 1969), der Sylvester òg medverka med låtskriving.[2] Den første songen han skreiv for gruppa var «Gloria Swansong».
Sylvester, Allan Clarke og Tony Hicks skreiv ein periode dei fleste songane til The Hollies. I 1974 gav Sylvester ut eit soloalbum kalla opp etter han sjølv. Sylvster slutta i The Hollies i mai 1981 etter ein krangel om den musikalske retninga til bandet. Dette førte òg til at bassisten Bernie Calvert slutta.[2] Sidan den gong har han gjeve ut fleire soloalbum.
I 2010 vart Sylvester som medlem av The Hollies innlemma i Rock and Roll Hall of Fame i lag med Graham Nash, Allan Clarke, Tony Hicks, Bobby Elliott, Bernie Calvert og Eric Haydock.[4]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.